ශ්රී ලංකාවේ ණය ප්රතිව්යුහගත කිරීමට චීනය දක්වන ධනාත්මක ප්රතිචාරය ප්රමාද කිරීම මේ මොහොතේ ජාත්යන්තර මූල්ය අරමුදලේ (IMF) ණය ලබා දීමට ඇති එකම බාධාව බව අධිකරණ අමාත්ය විජයදාස රාජපක්ෂ මහතා පැවසීය.
ශ්රී ලංකාවේ ආර්ථිකය පිළිබඳව ජාත්යන්තර ප්රජාවේ විශ්වාසය තහවුරු කර ගැනීම සඳහා ජාත්යන්තර මූල්ය අරමුදලේ සහාය ශ්රී ලංකාවට අවශ්ය බව ඔහු මාධ්ය හමුවේ කියා සිටියේය.
2021 වසරේ අගභාගයේදී ශ්රී ලංකාව ජාත්යන්තර මූල්ය අරමුදලේ සහය ලබා ගත යුතු බවට යෝජනා ඉදිරිපත් වූ බව පැවසූ අමාත්යවරයා, “එවකට මහ බැංකු අධිපතිවරයා එය ප්රතික්ෂේප කළ නිසා අපි ජාත්යන්තර මූල්ය අරමුදලේ සහය ලබාගැනීමට ප්රමාද වුණා,” යැයි පැවසීය.
