කොවිඩ් 19 තව දුරටත් ගෝලීය සෞඛ්ය හදිසි තත්ත්වයක් නියෝජනය නොකරන බව ලෝක සෞඛ්ය සංවිධානය අද දිනයේ දී ප්රකාශයට පත් කර තිබේ.
මෙය, කොවිඩ් වසංගතය අවසන් බව ප්රකාශ කිරීමට පෙර එන තත්ත්වයකි.
කොවිඩ් වසංගතය ගෝලීය හදිසි සෞඛ්ය තත්ත්වයක් බව ලෝක සෞඛ්ය සංවිධානය විසින් ප්රකාශයට පත්කරන ලද්දේ 2020 වසරේ ජනවාරි මාසයේ දී ය.
වසංගතය එහි උපරිම අවදානම් සහගත තත්ත්වයට පත් වූ 2021 වසරේ දී සතියකට පුද්ගල මරණ ලක්ෂයක් වාර්තා වී තිබුණු අතර, අද වන විට එය සතියකට මරණ 3500 දක්වා පහත බැස ඇති බව පැවසේ.
ලෝක සෞඛ්ය සංවිධානයේ ප්රධානියා පවසා ඇත්තේ වසංගතයෙන් පුද්ගල මරණ මිලියන හතක් වාර්තා වී ඇති බවයි. නමුත්, එය මිලියන විස්සක් විය හැකි බවද පැවසේ.
වසංගතය මර්දනය කිරීම සදහා එන්නත විශාල කාර්ය භාරයක් ඉටු කළ බව ලෝක සෞඛ්ය සංවිධානය පවසයි.
