පැහැදිලිව කියවීමට නොහැකි අත්අකුරින් බෙහෙත් තුණ්ඩු ලිවීම නවතා දමා, වෛද්යවරුන් සියලුම බෙහෙත් තුණ්ඩු පැහැදිලිව විශාල අකුරින් ලිවිය යුතු බවට හෝ සම්පූර්ණයෙන්ම ඩිජිටල් ක්රමවේදයකට මාරු විය යුතු බවට ඉන්දීය අධිකරණයක් නියෝග කර තිබෙනවා.Sri Lanka Latest News
රෝගීන්ගේ ආරක්ෂාව මූලික කර ගනිමින් මෙම නියෝගය ලබා දී ඇති බවයි සඳහන් වෙන්නේ.
පන්ජාබ් සහ හර්යානා මහාධිකරණය මෙම නියෝගය නිකුත් කළේ, විනිසුරුවරයෙකුට ඉදිරිපත් කළ වෛද්ය-නෛතික වාර්තාවක “එකදු වචනයක්වත් හෝ අකුරක්වත් කියවීමට නොහැකි” බවට නිරීක්ෂණය වීමෙන් පසුවයි.
අධිකරණය නිර්දේශ කළේ, වෛද්ය විද්යාල විෂය මාලාවට පැහැදිලි අත්අකුරු පුහුණුව ඇතුළත් කළ යුතු බවත්, වසර දෙකක් ඇතුළත ඩිජිටල් බෙහෙත්පත් අනිවාර්ය කරන ලෙසට රජයෙන් ඉල්ලා සිටින බවත්ය.
සෞඛ්ය විශේෂඥයන් පවසන්නේ, වසර ගණනාවක් තිස්සේ ඉන්දියාවේ වෛද්යවරුන්ගේ නොපැහැදිලි අත්අකුරු ගැටලුවක්ව පැවති අතර, එමගින් භයානක ඖෂධ දෝෂ ඇතිවීමට හේතු වූ බවයි.
ඉන්දීය වෛද්ය සංගමය මෙම තීන්දුව පිළිගෙන ඇති අතර, බොහෝ නාගරික වෛද්යවරු දැනටමත් ඩිජිටල් මෙවලම් භාවිත කළද, ග්රාමීය සහ අධික රෝගීන් සංඛ්යාවක් සිටින ස්ථානවල තවමත් අතින් ලියන ලද බෙහෙත්පත් සුලබව දක්නට ලැබෙන බවයි ඔවුන් පෙන්වා දෙන්නේ.
