පරාටේ නීතිය දෙසැම්බර් 15 වැනි දා තෙක් අත්හිටවූ බවට ජනාධිපතිවරයා පවා පාර්ලිමේන්තුවේ දී ප්රකාශ කළත් අද එය වානිජ බැංකු පද්ධතිය එය ක්රියාත්මක නොකරන බවත් පෞද්ගලික බැංකු විසින් පරාටේ නීතිය යටතේ වෙන්දේසි සිදු කිරීම් සිදු කර අවසන් වූ පසු එම නීතිය සම්මත කිරීමෙන් පළක් නොවන බවත් විපක්ෂ නායකවරයා පැවසීය.Sri Lanka Latest News
රටේ දළ දේශීය නිෂ්පාදිතයට 50%ක් රැකියා නියුක්තියට 52%ක දායකත්වයක් ලබා දෙන ක්ෂුද්ර කුඩා හා මධ්ය පරිමාණ කර්මාන්තකරුවන් වෙනුවෙන් මේ ප්රශ්න නගන බවත් කැබිනට් එක පවා ගත් තීන්දුව වානිජ බැංකු ක්රියාත්මක කරන්නේ නැතිනම් කැබිනට් එකක් වැඩක් නැති බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුවේ දී පරාටේ නීතිය අත්හිටුවීම බලාත්මක නොකිරීම සම්බන්ධයෙන් අදහස් පළ කරමිනි.
මේ රටේ බැංකු පද්ධතියේ ස්ථායිතාව වැදගත් බවත් ඒ වෙනුවෙන් ජාත්යන්තර මූල්ය ආයතන සමඟ සාකච්ඡාවක් පවත්වා කිසියම් වැඩසටහනක් හරහා එය ක්රියාත්මක කිරීමට යෝජනාවක් ඉදිරිපත් කරන ලෙසත් ඒ සඳහා විපක්ෂයටද සහයෝගය ලබා දිය හැකි නිසා මෙම අන්තර් කාලීන කාල සීමාව තුළ මහ බැංකුව හරහා චක්රලේඛනයක් නිකුත් කර මෙම පරාටේ ක්රියාමාර්ග ගැනීම අත්හිටුවන ලෙසත් විපක්ෂ නායක සජිත් ප්රේමදාස මහතා වැඩිදුරටත් ඉල්ලා සිටියේය.
මේ සතියේ පුවත්පත් දෙස බලන විට වානිජ බැංකු තරගයට වෙන්දේසි කිරීම් සිදු කරන බවත් මෙරට බැංකු පද්ධතිය නියාමනය කරන මහ බැංකුව හරහා චක්ර ලේඛනයක් නිකුත් කර රජය ගත් හොඳ තීන්දුව ක්රියාත්මක කරන ලෙසත් මහබැංකුවට සියයට 70කින් වැටුප් වැඩි කර ගැනීමට හැකි නම් මෙවැනි නියෝගයක් නිකුත් කළ හැකි බවත් විපක්ෂ නායකවරයා තවදුරටත් පැවසීය.
