මහින්ද රාජපක්ෂ ජනාධිපති සමයේ ජනාධිපති ලේකම්වරයා ලෙස කටයුතු කළ ලලිත් වීරතුංග මහතාගෙන් අපරාධ පරීක්ෂණ දෙපාර්තමේන්තුව (CID) ප්රකාශයක් සටහන් කර ගැනීමට නියමිත බව සන්ඩේ ටයිම්ස් පුවත්පතට වාර්තා කොට ඇත.
ක්රීඩා අමාත්යාංශය සඳහා තීරුබදු රහිත පදනමක් මත ආනයනය කරන ලද බස් රථයක් කාල්ටන් පෙර පාසලට ලබා දුන් බවට එල්ල වන චෝදනා සම්බන්ධයෙන් අපරාධ පරීක්ෂණ දෙපාර්තමේන්තුව (CID) විසින් ප්රකාශයක් සටහන් කර ගැනීමට නියමිත බව පැවසේ.Sri Lanka Latest News
ජනාධිපති ලේකම් කාර්යාලයේ එවකට අතිරේක ලේකම්වරයෙකු ද ප්රශ්න කිරීමට නියමිතව ඇති බව දැනගන්නට ඇත.
‘සිරිලිය’ ව්යාපෘතිය සම්බන්ධයෙන් ආරම්භ කොට ඇති පුළුල් CID විමර්ශනයක කොටසක් ලෙස මෙම විමර්ශනය සැලකේ.
සිරිලිය ගිණුමට අදාළ විවිධ අක්රමිකතා හතක් සම්බන්ධයෙන් CIDය මාලිගාකන්ද මහේස්ත්රාත් අධිකරණයට කරුණු ඉදිරිපත් කර තිබුණි. මේ සම්බන්ධයෙන් නීතිපතිවරයාගේ උපදෙස් ලබා ගන්නා ලෙස අධිකරණය CIDයට නියෝග කර තිබුණි.
අතිරේක සොලිසිටර් ජෙනරාල් දිලීප පීරිස් මහතා පසුව CIDයට දැනුම් දුන්නේ නඩු හතෙන් හයක අපරාධ චෝදනා ගොනු කිරීමට පවතින සාක්ෂි ප්රමාණවත් නොවන බවයි. පසුව නඩු ගොනුව පසෙකට දමන ලදී.
කෙසේ වෙතත්, බස් රථය සම්බන්ධයෙන් නව සාක්ෂි මතුවී ඇති අතර, එමඟින් CIDය අධිකරණයට නව කරුණු ඉදිරිපත් කර නැවත විමර්ශනය ආරම්භ කර ඇත. බස් රථය මාරු කිරීමෙන් රජයට මූල්යමය පාඩුවක් සිදු වූ බව CIDය අනාවරණය කරගෙන ඇති බව වාර්තා වේ.
වීරතුංග මහතා සහ හිටපු අතිරේක ලේකම්වරයා කැඳවා බස් රථය භාරදීම සම්බන්ධයෙන් ප්රශ්න කරන ලෙස දැන් CIDයට උපදෙස් දී තිබේ.
