ගම්පහ වික්රමාරච්චි දේශීය ආයුර්වේද වෛද්ය විද්යාලයේ පැන නැගී ඇති ගැටලු රැසකට විසදුම් ඉල්ලා එම විශ්වවිද්යාලයේ ශිෂ්ය නියෝජිතයන් පිරිසක් සමඟ විපක්ෂ නායක සජිත් ප්රේමදාස මහතා අද (20) සවස විෂය භාර අමාත්ය සුසිල් ප්රේමජයන්ත මහතා හමු විය. Sri Lanka Latest News
ගම්පහ වික්රමාරච්චි දේශීය වෛද්ය විද්යාලයේ පැන නැගී ඇති ගැටලු රැසක් සම්බන්ධයෙන් පසුගිය දා එහි ශිෂ්ය නියෝජිතයන් පිරිසක් විපක්ෂ නායක සජිත් ප්රේමදාස මහතා හමුවී දැනුවත් කළ අතර එහි දි විපක්ෂ නායක සජිත් ප්රේමදාස මහතා පොරොන්දු වී සිටියේ මේ සම්බන්ධයෙන් පාර්ලිමේන්තුවේ සහ විෂය භාර අමාත්යවරයාගේ අවධානයට ලක් කරන බවයි.
ඒ අනුව අද පාර්ලිමේන්තුවේ දී විපක්ෂ නායකවරයා මේ බව දැනුවත් කිරීමෙන් අනතුරුව සවස අදාළ ශිෂ්ය නියෝජිතයන් සමග විෂය භාර අමාත්ය සුසිල් ප්රේමජයන්ත මහතා හමුවී මේ සම්බන්ධයෙන් වැඩිදුරටත් දැනුවත් කළේය.
ලංකාවේ 16 වැනි විශ්වවිද්යාලය ලෙස නම් වූ මෙම විශ්වවිද්යාලයේ විශාල ගැටලු රැසක් පවතින බවත් මේ සම්බන්ධයෙන් තමා ඇතුළු පිරිස මෙම විශ්වවිද්යාලයේ ක්ෂේත්ර චාරිකාවක නිරත වී අදාල ගැටලු සෘජුවම නිරීක්ෂණය කළ බවත් විපක්ෂ නායක සජිත් ප්රේමදාස මහතා මෙහි දී පැවසීය.
එසේම කිසිදු පාර්ශ්වයකට අසාධාරණයක් නොවන ආකාරයට මෙම ගැටලු විසදා ගැනීම සඳහා මැදිහත් වන ලෙස විපක්ෂ නායක සජිත් ප්රේමදාස මහතා විෂය භාර අමාත්ය සුසිල් ප්රේමජයන්ත මහතාගෙන් ඉල්ලා සිටියේය. එසේම ආයුර්වේද රෝහලේ ඇති අඩුපාඩු විසදා ගැනීම සඳහා තමා ද මැදිහත් වී උපකාර කරන බවද විපක්ෂ නායක සජිත් ප්රේමදාස මහතා පැමිණි සිටි පිරිස අමතමින් පැවසීය.
සජිත් පාර්ලිමේන්තුවේදී ප්රශ්නය ගැන කතා කළ හැටි!
ගම්පහ වික්රමාරච්චි ආයුර්වේද වෛද්ය විද්යාලය 2021 වසරේ දී 16 වැනි විශ්වවිද්යාලය ලෙස නම් කළ නමුත් එහි අඩුපාඩුකම් රාශියක් ඇති බවට එහි වෛද්ය ශිෂ්ය සංගමය පසුගිය දා තමා හමු වී ඉදිරිපත් කළ බවත් ඒ සම්බන්ධයෙන් අවධානය යොමු කරන ලෙසත් විපක්ෂ නායක සජිත් ප්රේමදාස මහතා අද (20) පාර්ලිමේන්තුවේ දී පැවසීය.
ඖෂධ සම්බන්ධ ගැටලු, ඉඩ පහසුකම් සම්බන්ධ, සනීපාරක්ෂාව, සායන නිසි පරිදි ක්රියාත්මක නොවීම, වාට්ටු සංකීර්ණ හරිහැටි නොමැති වීම, රසායනාගාර ගැටලු ඇතුළු ගැටලු රාශියක් තිබෙන බවත් ඒ සම්බන්ධ තොරතුරු හැන්සාඩ් ගත කරන බවත් විපක්ෂ නායකවරයා පැවසීය. විශ්වවිද්යාලයක් ලෙස නම් කළත් මානව, භෞතික සහ අනෙකුත් සම්පත් ලබා දී නොමැති බවත් මේ සම්බන්ධයෙන් අවධානය යොමු කරන ලෙසත් ඉල්ලා සිටියේය.
මේ ප්රශ්නය පිළිබඳව වික්රමාරච්චි ආයුර්වේද විද්යාලයේ සිසු සමඟ විපක්ෂ නායකතුමා මීට පෙර විපක්ෂ නායක කාර්යාලයේ දී ද සාකච්ඡා කරනු ලැබීය.
