නොපෙනී හිටපු භාතිය-සන්තුෂ් එළියට එයි! රාජපක්ෂලාට යන්න කියයි!

ජනප්‍රිය කලාකරුවන් වන භාතිය සහ සන්තුෂ් ජනාධිපති ගෝඨාභය රාජපක්ෂ වෙත ලිපියක් යවමින් මහජනතාවගේ ඉල්ලීම්වලට අවනත වන්නැයි ඉල්ලා ඇත.

ශ්‍රී ලංකාවට නිසි විසඳුමක් අවශ්‍ය බව ප්‍රකාශ කළ ඔවුන් දෙදෙනා මේ ජාතියේ බලාපොරොත්තු සහ සිහින යළි ගෙන එන සත්‍යවාදී විසඳුමක් පුරවැසියන්ට අවශ්‍ය බව කියා සිටියහ.

සම්පූර්ණ ප්රකාශය:

රටේ මිනිසුන්ට ඔවුන්ගේ මූලික අවශ්‍යතා අවශ්‍යයි, ඔවුන් ඔවුන්ගේ මූලික අවශ්‍යතා වෙනුවෙන් සටන් කරනවා. රට එක තැන පල්වෙන තත්ත්වයට පත්වෙලා තියෙනවා දැක්කම දුකයි.

ගරු ජනාධිපතිතුමනි, රටේ හඬට සවන් දෙන්න, වඩා හොඳ ශ්‍රී ලංකාවක් සඳහා අපි ඔබට සහය දුන්නෙමු, මේ ජාතියේ දුක්ඛිත තත්වය දැකීමෙන් අපි සැබවින්ම කණගාටු වෙමු. 

ශ්‍රී ලාංකිකයන් තම අනාගතය වෙනුවෙන්, තම දරුවන් වෙනුවෙන් හදවතින්ම හඬ නගති.

මිනිසුන් මර්දනය කිරීම පිළිතුර නොවේ, බලය යෙදවීම පිළිතුර නොවේ, හදිසි නීතිය සහ ඇඳිරි නීතිය ක්‍රියාත්මක කිරීම පිළිතුර නොවේ, සමාජ මාධ්‍ය තහනමක් ඇති කිරීම පිළිතුර නොවේ.

ශ්‍රී ලංකාවට අවශ්‍ය වන්නේ නිසි විසඳුමක්, මේ ජාතියේ බලාපොරොත්තු සහ සිහින නැවත ගෙන එන සත්‍යවාදී විසඳුමකි. අපි හැමදාම මේ රටේ ජනතාව වෙනුවෙන් හිටියා, අපි මේ රටේ ජනතාව එක්ක ඉන්නවා.

ජනතාවගේ හඬට සවන් දෙන්න.

රටට හරි දේ කරන්න.