පොදුජන පෙරමුණේ නිර්මාතෘ මෙන්ම එහි ජාතික සංවිධායක බැසිල් රාජපක්ෂ මහතා ලබන 23වන දින මෙරටට පැමිණීමට නියමිතව ඇති බව ලංකාදීප පුවත්පත වාර්තා කොට ඇත.
දිවයිනට පැමිණි විගස රජයේ ප්රධානීන් සමග ඔහු සාකච්ඡා කිහිපයක් පැවැත්වීමට නියමිතව ඇති බව දැනගන්නට ඇත.
ඉන්ධන මිල වැඩිවීම සම්බන්ධයෙන් පොදුජන පෙරමුණේ ලේකම්වරයා නිකුත් කළ නිවේදනයක් සම්බන්ධයෙන් මේදිනවල වඩාත් කතාබහට ලක්ව ඇති අතර රාජ්ය අමාත්ය නිමල් ලන්සා මහතා ද සඳහන් කර සිටියේ බැසිල් සිටියා නම් ඉන්ධන මිල වැඩි නොවන බවයි.
පසුගිය දා ඔහු අමෙරිකාව බලා පිටත් වූයේ පුද්ගලික සංචාරයක් සඳහායි.










