සංචාරක හෝටල් සඳහා වාර්ෂික බලපත්ර අලුත් කිරීමේදී සංචාරක මණ්ඩලය අනුගමනය කරන ක්රමවේද හේතුවෙන් මේ වන විට මහනුවර හා තදාසන්න ප්රදේශ කිහිපයක සංචාරක හෝටල්වල පවත්වාගෙන ගිය රෙස්ටුරන්ට් බාර් පහළොවක් පමණ වසා දමා තිබේ.මේ හේතුව මත රටපුරා සංචාරක හෝටල් දෙසියකට ආසන්න ප්රමාණයක සුරා බදු බලපත්ර අළුත් කිරීමට නොහැකි වී තිබෙන බව සුරාබදු දෙපාර්තමේන්තුවේ ඉහළ පෙලේ ආරංචි මාර්ග පවසයි .Sri Lanka Latest News
ඊට හේතුව වී ඇත්තේ වාර්ෂික සුරාබදු බලපත්රය අළුත් කිරීමේදී සංචාරක මණ්ඩලයේ අනුමැතිය අනිවාර්යය කර තිබීමයි.සුරාබදු මුදල් ක්රමානුකූලව ගෙවා බලපත්ර අළුත් කිරීමේදී සංචාරක මණ්ඩලයේ පවතින ඇතැම් කොන්දේසි සම්පූර්ණ කිරීමට යාමේදී තමන් විශාල අපහසුතාවයකට පත්වන බවත් මණ්ඩලය විසින් නිර්දේශ කරන ඇතැම් කොන්දේසි සම්පූර්ණ කිරීමට විශාල කාලයක් ගත වන බැවින් එම කාලය තුල තම ව්යාපාර කඩාවැටීමකට ලක්වීමේ හා සේවකයින්ගේ රැකියා පවා අහිමි වීමේ අවධානමක් මතුව ඇති බව මේ සම්බන්ධයෙන් අදහස් දැක්වූ සංචාරක හෝටල් හිමිකරුවන් පිරිසක් පැවැසූහ .ජනාධිපති අනුර කුමාර දිසානායක මහතා විසින් ක්රියාත්මක කර ඇති සංචාරක කර්මාන්තය දියුණු කිරීමේ වැඩසටහන ආපසු හැරවීමක් බවද ඔවුන් චෝදනා කරති .
මේ අතර රජය විසින් දේශීය මත්පැන් මිළ( ගල් අරක්කු ඇතුලුව) ඉහළ දැමීමත් සමග මහනුවර මත්පැන් අළෙවි සැල් තැබෑරුම් වල මත් පැන් අළෙවිය සීග්ර ලෙස පහත බැස ඇති බව තැබෑරුම් හිමියන් සහ ඒවායේ කළමණාකාරීත්වය පවසති.
විශාල ලෙස මුදල් වැය කර රෙස්ටූරන්ට් බාර් ආරම්භ කල ව්යාපාරිකයන්ට ඇතැම් අවස්ථාවල තම ආයතන රාත්රී 11 00 වන තුරු විවෘතව තබාගෙන සිටියද සේවක වැටුප් ගෙවීමට සහ විදුලි බිල් ගාස්තු ගෙවීමට තරම් ආදායමක් නොලැබෙන බව ඔවුන් පවසති.
වෙනදා සුලබව අළෙවි වන දේශීය මත්පැන් බෝතලයක් අවන්හලක දී රුපියල් 4500- 5000 කට ආසන්න මුදලක් ගෙවීමට සිදු වී ඇති බවට පාරිභෝගික ජනතාව පවසති. පවතින තත්ත්වය හමුවේ අඩු මිළට මත්පැන් අළෙවි කළ නොහැකි බව ද මිළ වැඩි කිරීම නිසා අළෙවිය සීග්රලෙස අඩුවී තිබෙන බවත් වෙනත් උත්සව දිනවල තැබෑරුම් අසල එක්රැස් වන දිගු පෝලිම් පවා දැක ගන්නට නැති බවත් මත්පැන් අළෙවි සල් හිමිකරුවන් පවසති.
මත්පැන් මිළ ඉතා අධික වීම නිසා දෛනික අළෙවිය සීග්රලෙස පහළ බැස තමන්ගේ තැබෑරුම් වල ආදායමද අසීමිත ලෙස පහළ බැස ඇතිබව මත්පැන් අළෙවි හිමි කරුවන් සහ රෙස්ටූරන්ට් බාර් හිමිකරුවන් පවසති.
මහනුවර නගරය තුල පමණක් තැබෑරුම් සහ රෙස්ටූරන්ට් බාර් 200 කට අධික සංඛ්යාවක් තිබේ සංචාරක හෝටල් ගෙස්ට් හවුස් මහාජ ශාලා ,රෙස්ටූරන්ට් සුපිරි වෙළඳ මධ්යස්ථාන ඇතුලුව
ග්රාමීය පෙදෙස් වලද අලුතෙන් ආරම්භ කර ඇති මත්පැන් අළෙවි සැල්වලද ආදායම පහත බැස ඇති බවත් ,එයට හේතුව මත් පැන් බෝතලයක මිළ දරා ගත නොහැකි ලෙස ඉහළ යාම බවත් මත්පැන් අළෙවි සැල් හිමිකරුවන් මෙන්ම ,මත්පැන් භාවිතා කරන පාරිභෝගික ජනතාව පවසති.
කැන්ඩි ප්රයිම් නිව්ස්!
