ත්රිකුණාමලයේ විහාරස්ථාන භූමියක තැන්පත් කර තිබූ බුද්ධ ප්රතිමාවක් ඉවත් කිරීමට පොලිසිය පියවර ගැනීමේදී ඇතිවූ කලහකාරී සිද්ධිය සම්බන්ධයෙන් පාර්ලිමේන්තු මන්ත්රී අර්චුනා රාමනාදන් මහතා පසුගිය 18 වැනිදා පාර්ලිමේන්තුවේදී සංවේදී කතාවක් සිදුකළේය. එහිදී මන්ත්රීවරයා ආණ්ඩුවේ ගමන සම්බන්ධයෙන් අනතුරු ඇඟවීමක්ද සිදුකළ අතර පහත පළවන්නේ එම අදහස් දැක්වීමයි.Sri Lanka Latest News
‘පිළිම වන්දනාව ගෝත්රිකයි කියපු මිනිස්සු ඕගොල්ලො. ඕගොල්ලො කිව්වෙ රණවිරුවන්ට සෙබළියො කියලා. ඕගොල්ලො වෙනුවෙන්නෙ මැරුණෙ. ඇත්තටම මේ ජාතිවාදී කතා කරන්න ඕනෙ මම. හැබැයි අද ඡන්දෙ ඉල්ලලා බලමුද දකුණෙ? ඔයාලට වඩා ඔයාලගෙ ජනාධිපතිට වඩා මට ඡන්ද ගන්න පුළුවන් දකුණෙ. මම ඇත්ත කියන්නෙ. මම කවදාවත් සිංහල ජනතාවට විරුද්ධව කතා කරන්නෙ නෑ.
ගරු කතානායකතුමා, මේ පුද්ගලයන්ට අපි කියන කියන දේවල් තේරෙන්නෙ නෑ. අපි රණ්ඩු වෙන්න නෙමෙයි ඇවිල්ලා තියෙන්නෙ. අපේ පපුවෙ තියෙන කැක්කුම. එක දවසක් මම ගිහිල්ලා සභානායකතුමාගෙ කාමරයෙ ඇඬුවා. සභානායකතුමා දන්නවා. ඒ දුක. ඒ දුක ඔයා දෙමළ එම්පී කෙනකුට ඕගොල්ලො කරන වැඩ. මම IPU වෙනකන් ගියා. IPU ගිහිල්ලා කම්ප්ලේන් එකක් දැම්මා. හැබැයි මම දවසකදි මේක විත්ඩ්රෝ කරනවා. ඒ තරම් ඕගොල්ලො දෙමළ මනුස්සයාව කොච්චර පහළට ගේනවද?
දැන් ත්රිකුණාමලේ ගන්නකො. දෙමළ මිනිස්සු කිව්වද ගිහිල්ලා බුදුපිළිම අයින් කරන්න කියලා? අපි කිව්වද ඒක දාන්න කියලා? දාන්නෙත් ඔබලා. ඊට පස්සෙ ඒක රෑට අයින් කරන්නෙත් ඔබලා. ඊට පස්සෙ අනිත් දවසෙ උදේ ගිහිල්ලා දාන්නෙත් ඔබලා. හැබැයි අපේ ඔළුවට වැටෙනවා. අපි කිව්වද ඕගොල්ලන්ට දාන්න කියලා? අපි කිව්වද ඕගොල්ලන්ට පිළිම තියන්න කියලා? ප්රභාකරන්ව ඕගොල්ලො මැරුවෙ නෑ. මැරුවා කියලා හිතාගන්නවා නම්, ආයෙමත් තව පාරක් දෙමළ මනුස්සයාව මරන්න කැමැති නම් මාව මරන්න. හැබැයි මේ දෙකයි පනහෙ වැඩ කරන්න එපා. ඕගොල්ලො විශ්වාස කරලානෙ දැම්මෙ ඡන්දයක්. මම කොච්චර ආදරෙන්ද ඕගොල්ලන්ට ආවද? ආවට පස්සෙ මේ පාර්ලිමේන්තුවෙ මට කොච්චර ආතල් දුන්නද ඕගොල්ලො? ඊයෙ පොලිසියට ගැහුවා කවුරු හරි. එතකොට එයාට අද උදේ කිසිදෙයක් වෙලා නෑ. කෝ පොලිස් භාර ඇමැති? මේ ට්රවුසර් නේද අඳින්නෙ? ට්රවුසර් නේද අඳින්නෙ? නිකන්ද අඳින්නෙ? ආ ලැජ්ජ නැද්ද? මේ බලන්නකො. මගෙ දෙමළ මිනිස්සු සිංහල කතා කරන්න පුළුවන් නම් දවසක් පොත් පවා ලියනවා. අපේ අම්මලාව, අක්කලාව ගිහිල්ලා රේප් කරලා තියෙනවා ඕගොල්ලන්ගෙ හමුදාවෙ සමහරු. ඒක පැහැදිලිවම කියනවා. මේ බිමල් රත්නායක ඇවිල්ලා කියනවා ගජේන්ද්ර පොන්නම්බලම් මන්ත්රීතුමා කිව්වා කියලා, රණවිරුවො ඔක්කොම ටික කුඩු මේ… අපි එහෙම කිව්වෙ නෑ. මෙතුමාත් කිව්වෙ නෑ, මමත් කිව්වෙ නෑ. අපි කියන්නෙ, ගොඩක් පිරිසක් ඒ රස්සාව තමයි උතුරෙ කරන්නෙ කියලා. ඒක නවත්තන්න කියලා.
දැන් කලින් ගෙනාවෙ මෙතුමාලා වාහනෙන් කුඩු. දැන් ගේන්නෙ ඔයාලගෙ ලොක්කො. ලැජ්ජ වෙන්න ඕනෙ. ඕගොල්ලො අපි විශ්වාස කරා. ඒ විශ්වාසෙ තාම තියෙනවා. හැබැයි මේ විදිහට ගියොත් මම හිතන්නෙ තව පොඩි කාලෙකින් පාර්ලිමේන්තු ඡන්දෙ තියන්න වෙයි. මම මේක කතා කරන්නෙ අපේ මිනිස්සුන්ගෙ පපුවෙ තියෙන වෛරය. ඕගොල්ලොම කට්ටිය ඇවිල්ලා කියනවා, ‘මචං, පොඩ්ඩක් කතාකරන එක නවත්තපන්. අපිට වදිනවා’ කියලා. තව එක්කෙනෙක් ඇවිල්ලා කිව්වා, ‘මචං, ඔහොම කතාකරන්න එපා, උඹට වෙඩි තියයි අපේ මිනිස්සු’ කියලා. හැබැයි මම මැරුණත් මම ඇත්ත කියනවා. ඕගොල්ලො මාව මරලාදාලා පුච්චලා දැම්මත්. හැබැයි තව දෙමළ මනුස්සයෙක් ඇවිල්ලා මෙහෙම ඕගොල්ලන්ට කතා කරන්නෙ නෑ. මම ඇත්තටම හිතෙන් රිදවලා තමයි මේ කතා කරන්නෙ….’
