ජනාධිපති කාර්යාලයට භාර දුන් බව කියන වාහන ඇතුළු රජයේ සියලු වාහන සම්බන්ධයෙන් විධිමත් විමර්ශනයක් ජාතික විගණන කාර්යාලයෙන් ඊයේ ( 26 වැනිදා ) ආරම්භ කළේය.Sri Lanka Latest News
එමෙන්ම ඒ සම්බන්ධයෙන් අපරාධ විමර්ශන දෙපාර්තමේන්තුව හරහා පරීක්ෂණයක් කරන ලෙසද ජනාධිපතිවරයා උපදෙස් නිකුත් කොට තිබිණ.
ජනාධිපති කාර්යාලය අසල නවතා තිබෙන වාහන සම්බන්ධයෙන් පරීක්ෂා කිරීමට විගණන නිලධාරීන් කණ්ඩායමක් යවා ඇති විගණකාධිපති චුලන්ත වික්රමරත්න මේ වන විට අමාත්යාංශවල පවතින වාහන හා අමාත්යාංශවලට අයත් එහෙත් අමාත්යාංශවල නොමැති වාහන සම්බන්ධයෙන් ද වෙනම පරීක්ෂා කරන ලෙස ඒවායේ විගණන නිලධාරීන්ට උපදෙස් දී තිබේ.
යම් හෙයකින් ජනාධිපති කාර්යාලයට අයත් නොවන වාහන ජනාධිපති කාර්යාලයෙන් භාරගෙන තිබුණේ නම් හා කිසියම් නිලධාරියෙක් තමන් මෙතෙක් පාවිච්චි කළ වාහනයක් නියමිත පරිදි භාර නොදී ජනාධිපති කාර්යාලය අසල දමා ගොස් තිබුණේනම් එය වැරැද්දක් වන බව එම කාර්යාල ප්රකාශකයෙක් සඳහන් කළේය.
ජනාධිපති කාර්යාලයට හා ඒ ඒ අමාත්යාංශවල අයත් වාහන රැසක් අවභාවිත කරමින් පවතින බවට අවස්ථා කිහිපයකදීම විගණන පරීක්ෂණවලින් මීට පෙර අනාවරණය කර තිබිණි.
ජනාධිපති කාර්යාලය අසල ප්රදර්ශනය කර ඇත්තේ අදාළ නිලධාරීන් විසින් විධිමත් පරිදි භාර දෙන ලද වාහන යැයි හිටපු ජනාධිපති ලේකම් සමන් ඒකනායක පැවැසීය. එම වාහන පාවිච්චි කළ නිලධාරීන් සම්බන්ධ සියලු තොරතුරු ජනාධිපති කාර්යාලය සතුව තිබෙන බව ද සඳහන් කළේය.
