වැලිකඩ පොලිස් අත්අඩංගුවේදී මියගිය බව කියන රාජකුමාරි නමැති ගෘහ සේවිකාවගේ මරණය සම්බන්ධයෙන් සිදුකරන විමර්ශනවල ප්රගතිය දැක්වෙන වාර්තාවක් ඉදිරිපත් කරන ලෙස මහෙස්ත්රාත්වරයා අද (21) නියෝග කළේය. Sri Lanka Latest News
කොළඹ අතිරේක මහෙස්ත්රාත් හර්ෂණ කැකුණවල මහතා එහිදී වැඩිදුරටත් නියෝග කළේ ලබන මස 26 වනදා අදාළ වාර්තාව අධිකරණයට ඉදිරිපත් කරන ලෙසය.
මෙම සිද්ධියට අදාළ මරණ පරීක්ෂණය අද කොළඹ අතිරේක මහෙස්ත්රාත්වරයා හමුවේ කැඳවා තිබුණි.
එහිදී විමර්ශන සිදුකරන අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරි මෙරිල් රන්ජන් ළමාහේවා මහතා ඇතුළු නිලධාරීන්ගේ මෙහෙයවීම යටතේ සාක්ෂි ලබාදුන් මහේන්ද්රන් සුරේෂ් නමැත්තෙකු කියා සිටියේ වැලිකඩ පොලිස් ස්ථානය තුළදී පොලිස් නිලධාරියෙකු විසින් මියගිය රාජකුමාරි නමැත්තියට පහර දෙනු තමන් දුටු බවය.
දිනක් තමා පිටකොටුව ප්රධාන බස් නැවතුම අසල සිටි අවස්ථාවේ පොලිස් නිලධාරීන් දෙදෙනෙකු පැමිණ තමන්ට මාංචු දමා වාහනයකට නංවා බොරැල්ල කොටා පාරේ පිහිටි රාජකුමාරි සේවය කළ නිවසට රැගෙන ගිය බවද සාක්ෂිකරු පැවසීය.
පසුව රාජකුමාරි නමැත්තියද කැඳවාගෙන ආ පොලීසිය තම අතේ තිබූ මාංචුවේ අනිත් මාංචුව ඇයගේ අතට දැමූ බවත් සාක්ෂිකරු කියා සිටියේය.
මෙසේ රාජකුමාරි රැගෙන යන අවස්ථාවේ ඇයට කිසිදු අසනීපයක් නොතිබූ බවත් ඇය හොඳින් ඇවිදගිය බවත් සාක්ෂිකරු සඳහන් කර තිබේ.
මෙසේ වාහනයෙන් රැගෙන යන අවස්ථාවේදී, “ඔයා නේද මුද්දයි, සෙන්ට් බෝතලයයි, සපත්තු කුට්ටමයි හොරකන් කළේ..” කියා වාහනය තුළ සිටි පොලිස් නිලධාරියෙකු රාජකුමාරිට පැවසූ බවත් සාක්ෂිකරු සඳහන් කර ඇත.
පසුව වැලිකඩ පොලීසියට තමන් සහ රාජකුමාරි රැගෙන ආ බවත් එහි සිටි පොලිස් නිලධාරීන් දෙදෙනෙකු තමන්ටත් රාජ කුමාරිටත් පහර දුන් බවත් සඳහන් කළ සාක්ෂිකරු ඒ අතරින් එක් පොලිස් නිලධාරියක් තට්ටය සහිත පුද්ගලයෙකු බවත් අනෙක් නිලධාරියා කෙට්ටු උස පුද්ගලයෙකු බවත් සාක්ෂිකරු පවසා තිබේ.
ඒ අනුව, කෙට්ටු උස නිලධාරියකු රබර් බටයකින්ට මියගොස් සිටින රාජකුමාරිට පහර දෙනු තමන් දුටු බවත් සාක්ෂිකරු අධිකරණය හමුවේ කියා සිටියේය.
පසුව “සුධර්මා මැඩම්” පැමිණි බවත් පහර නොදෙන ලෙස ඇය ඉල්ලා සිටි අතර ප්රශ්නය විසඳලා දෙන ලෙස ඇය ඉල්ලා සිටි බවත් සාක්ෂිකරු වැඩිදුර සාක්ෂි දෙමින් සඳහන් කළේය.
ඉන් අනතුරුව වැඩිදුර විභාගය ලබන 26 වනදා දක්වා කල් තැබුණි.
