ආර්.එෆ්.එම්.සුහෙල් – නුවරඑළිය
හැටන් – දික්ඔය ප්රධාන මාර්ගයේ අලුත්ගම ප්රදේශයේ පිහිටි වනගත ප්රදේශයක ඊයේ (08) රාත්රී කාලයේ විශාල ගින්නක් හටගෙන තිබේ. මෙම ගින්න අද (09)මේ වන විට ප්රධාන මාර්ගය ආසන්නයටම පැමිණ ඇති අතර, එය මැඩපැවැත්වීම සඳහා අලුත්ගම ප්රදේශවාසීන් දැඩි උත්සාහයක නිරත වෙමින් සිටිති.Sri Lanka Latest News
ප්රදේශයේ පවතින දැඩි වියළි කාලගුණය හේතුවෙන් ගින්න සීඝ්රයෙන් පැතිර යන අතර, ගින්නට හේතුව මෙතෙක් නිල වශයෙන් අනාවරණය වී නොමැත.
කෙසේ වෙතත්, කිසියම් පිරිසක් විසින් මෙම වනාන්තර කොටසට ගිනි තබන්නට ඇතැයි ප්රදේශවාසීන් සැක පළ කරති.
මධ්යම කඳුකරයේ පවතින මෙම වියළි කාලගුණික තත්ත්වය හමුවේ මෙවැනි ගිනි ගැනීම් හේතුවෙන් සංවේදී පරිසර පද්ධති විනාශ වීම මෙන්ම ජල මූලාශ්ර සිඳී යාමේ බරපතළ අවදානමක් පවතී. දැනටමත් කඳුකරයේ බොහෝ ප්රදේශවල පානීය ජල හිඟයක් නිර්මාණය වී ඇති පසුබිමක, මෙවැනි විනාශකාරී ක්රියා හේතුවෙන් පවතින ජල ගැටලුව තවදුරටත් උග්ර වීමේ තර්ජනයක් මතුව තිබේ.
