රාජ්ය ව්යවසායන් ප්රතිසංස්කරණය නමින් ලාබ ලබන රාජ්ය ව්යවසායන් කිහිපයක් පෞද්ගලීකරණය කිරිමට කටයුතු කරමින් සිටින බවත් ඒ සඳහා තෝරා ගෙන ඇති ආයතන ලැයිස්තුවේ ප්රමුඛතම ආයතන 03ක් ලෙස ශ්රී ලංකා රක්ෂණ සංස්ථාව, ශ්රී ලංකා ටෙලිකොම් ආයතනය සහ ලිට්රෝ ගෑස් ආයතනය පවතින බවත් රාජ්ය ව්යවසාසයන් ඇත්තේ ලාභ ලැබීමට පමණක් නොවන බවත් එම ආයතන ජාතික ආරක්ෂාව හා බැඳී තිබීම, දීර්ඝ කාලීන ආර්ථික ප්රතිලාභ තිබීම, සමාජ සාධාරණත්වය සහ සුබසාධනය තහවුරු කිරීම, වෙළෙඳෙපොළ ස්ථායීකරණය සහ අහිතකර ඒකාධිකාරීත්වයක් ඇතිවීම වැළැක්වීම සිදුවන බවත් විපක්ෂ නායකවරයා පැවසීය.Sri Lanka Latest News
පාඩු ලබන ආයතන නඩත්තු කිරිමට බදු ගෙවන්නන්ට හැකියාවක් නොමැති නිසා ප්රතිව්යුහගත කිරීම අවශ්ය වුවත් ලාභ ලබන ආයතන පෞද්ගලීකරණය කිරීමේ බරපතල ගැටලුවක් ඇති බවත් අකාර්යක්ෂමතාව හෝ කෙටි කාලීන ලාභ ලබා ගැනීමේ අරමුණින් රජය විසින් රාජ්ය ආයතනයක් පෞද්ගලිකරණය කරන්නේ නම් සිදුවන බලපෑම් ගැන ගැඹුරු අධ්යයනයක් සිදු කළ යුතු බවත් විපක්ෂ නායකවරයා පැවසීය.
එසේ ම ලෝක බැංකුව ඩොලර් මිලියන ගණනාවක් ගෑස් පහසුකම් සපයන්න ලිට්රෝ ගෑස් ආයතනයට ලබා දී ඇති බවත් මාස කිහිපයක් ඇතුළත එම ණය පහසුකම නැවත ගෙවීමට ලිට්රෝ ගෑස් සමාගම සමත් වී ඇති බවට වාර්තා වන බවත් පැවසූ විපක්ෂ නායකවරයා කියා සිටියේ ඊයේ දිනයේ ශ්රේෂ්ඨාධිකරණය ලබා දුන් තීන්දුව හොදට හිතට ගෙන රාජ්ය ප්රතිපත්ති සම්පාදනයේදී ගත හැකි පරිණතම දත්ත කේන්ද්රීය විද්යාත්මක සාක්ෂි කේන්ද්රීය තීන්දු තීරණ ගන්නා ලෙසත් එසේ නොකළහොත් අධිකරණය හමුවට යන බවත් ය.
විපක්ෂ නායක සජිත් ප්රේමදාස මහතා මේ බව කියා සිටියේ අද (15) පාර්ලිමේන්තුවේදී ස්ථාවර නියෝග 27 (2) යටතේ රාජ්ය ආයතන විකිණිම සම්බන්ධයෙන් ප්රශ්න අසමිනි.
