මහනුවර ගලගෙදර මහේස්ත්රාත් අධිකරණයේ සිර මැදිරියේ දොර විවෘත කළ අවස්ථාවේ ඉන් එළියට පැන, නඩු කටයුතු සඳහා පැමිණ සිටි නීතිඥවරියකගේ ගෙල සිරකර, ඇය මරා දැමීමට තැත් කළ බව කියන සැකකරුවකු පොලිස් හා ඛන්ධනාගාර නිලධාරීන් විසින් ඒ මොහොතේම අත්අඩංගුවට ගනු ලැබූ බව ගලගෙදර පොලීසිය පවසයි.සැකකරු කංසා ළඟ තබා ගැනීමේ චෝදනාව මත අත්අඩංගුවට ගෙන, අධිකරණයට රැගෙන එනු ලැබූ අයකු බව පොලීසිය කියයි. ගෙල සිරවීමකට ලක්වූ නීතිඥවරිය මහනුවර ජාතික රෝහලට ඇතුළත් කළ බව උසස් පොලිස් නිලධාරියෙක් පැවැසීය.සැකපිට අත්අඩංගුවට ගත් පුද්ගලයා මහනුවර කළුවන ප්රදේශයේ පදිංචි, 30 හැවිරිදි එච්.එම්.එල්.එස්. කුමාර හේරත් නමැත්තෙකි.
එම පුද්ගලයා කංසා මිලිග්රෑම් 760ක් ළඟ තබා ගැනීම සම්බන්ධයෙන් පසුගිය 16 වැනිදා ගලගෙදර පොලීසිය විසින් අත්අඩංගුවට ගෙන, ගලගෙදර මහේස්ත්රාත් අධිකරණය හමුවට පෙරේදා (17 වැනිදා) ඉදිරිපත් කරනු ලැබීය.කංසා ළඟ තබා ගෙන සිටි බව කියමින් සැකපිට අත්අඩංගුවට ගත් මෙම පුද්ගලයා මාස 6ක කාලයක් සඳහා පුනරුත්ථාපනය කිරීමට අධිකරණය නියෝග කළ බව පොලීසිය කියයි.
එම නියෝගය ලැබීමෙන් පසු අධිකරණයේ විවෘත සිර මැඳිරියේ බන්ධනාගාර නිලධාරීන්ගේ භාරයේ සැකකරු රඳවනු ලැබ ඇත.
සැකකරු අධිකරණයට ඉදිරිපත් කිරීමෙන් පසුව, ලබන 25 වැනිදා දක්වා රිමාන්ඩ් භාරයට පත්කිරීමට නියෝග කර ඇත.
gossiplankanews
