මාධ්යවේදී ලසන්ත වික්රමතුංග ඝාතනය සම්බන්ධ නඩුවේ සැකකරුවන් තිදෙනා නිදහස් කරන ලෙස නීතිපතිවරයා විසින් අපරාධ පරීක්ෂණ දෙපාර්තමේන්තුවට ලබා දුන් නියෝගය ඉවත් කර ගැනීමට නීතිපති දෙපාර්තමේන්තුව තීරණය කර තිබෙන බවට සමාජ මාධ්යවල පළවන පුවත් අසත්ය බව වාර්තා වේ.Sri Lanka Latest News
යූ ටියුබ් මාධ්යවේදියෙතු වන භාරත තෙන්නකෝන් විසින් මෙම අනාවරණය සිදු කරමින් කියා තිබුණේ අදාළ සැකකරුවන් නිදහස් කිරීමේ තීන්දුව නීතිපති දෙපාර්තමේන්තුව විසින් ගෙන ඇති බවකි.
නීතිපති විසින් නිදහස් කරන ලෙස නියෝග කර තිබුණු සැකකරුවන් තිදෙනා වන්නේ, හමුදා බුද්ධි නිළධාරියෙකු වන ප්රේමානන්ද උදලාගම, ගල්කිස්ස පොලිසියේ හිටපු අපරාධ අංශයේ ස්ථානාධිපති, උප පොලිස් පරීක්ෂක, තිස්සසිරි සුගතපාල සහ කොළඹ දකුණ භාරව සිටි නියෝජ්ය පොලිස්පති ප්රසන්න නානායක්කාර යන අයයි.
මෙම සැකකරුවන් ලසන්ත ඝාතනයට අදාල නඩුවේ නොව, සාක්ෂි වසන් කිරීම සම්බන්ධ නඩුවක සැකකරුවන් පමණක් බව ඔවුන් නිදහස් කිරීමේ නියෝගය සාධාරණීකරණය කරමින් නීතිපති දෙපාර්තමේන්තුව ප්රකාශ කර තිබුණි.
ඊට අමතරව, ලසන්ත ඝාතනය සම්බන්ධයෙන් විමර්ශන අවසන් නැති බවත්, ලසන්ත ඝාතනය සම්බන්ධයෙන් කිසිදු සැකකරුවෙකු අත්අඩංගුවට ගෙන නැති බවත් නීතිපති දෙපාර්තමේන්තුව පැවසී ය.
