නිදහස් අධ්යාපනය අප රට සතු වටිනාම සම්පතක් වන අතර මෙය අපේ රටේ සුබසාධන රාජ්යයේද අති වැදගත් අංගයක් වී ඇති බවත් අභියෝග බාධා දුුක් කම්කටොලු බාධා රැසක් මැද නිදහස් නිවහල් අධ්යාපනය රාජ්ය ප්රතිපත්ති සඳහා ඇතුළත් කර සිටියේ අධ්යාපනය තුළ සියලු දෙනාට සර්ව සාධාරණ අයිතියක් ලබා දීමට බවත් විපක්ෂ නායකවරයා පැවසීය.Sri Lanka Latest News
එදා නිදහස් නිවහල් අධ්යාපනය ඇති කරන්න යද්දි වත්තේ පොල් කඩන්න අවශ්ය ශ්රම සම්පත නැති වන බවට එවක ප්රභූවරුවන් විරුද්ධ වූ අවස්ථාවේ බාධා රැසක් මැද නිදහස් අධ්යාපනය ලැබු බවත් උගත් බුද්ධිමත් ඥානාන්විත අධ්යාපනය ලැබු සුචරිතවත් ශිෂ්ටසම්පන්න දරු පරපුරක් අප රටට ලබා දෙන්න මෙය කටයුතු කළත් අද වන විට අප රටේ අධ්යාපන ප්රතිසංස්කරණයට මුවාවී ශිෂ්ටත්වය ශීලාචාරකම බැහැර වී අසම්මත අශිෂ්ට අශීලාචාර අසභ්ය ලක්ෂණ අධ්යාපන ප්රතිසංස්කරණවලට ඇතුලත් වී ඇති බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද විශේෂ ප්රකාශයක් සිදු කරමින් අධ්යාපන ප්රතිසංස්කරණවල ඇති ගැටලු ගැන අවදානය යොමු කරමිනි.
අප රටේ අධ්යාපනයට ප්රතිසංස්කරණ අවශ්ය බවත් නව තාක්ෂණය කෘත්රිම බුද්ධි ඇතුළු පරිවර්තනාත්මක වෙනසක් අධ්යාපනය තුළ සිදු විය යුතු බවත් ඉංග්රීසි භාෂා අධ්යාපනයට යොමු වී නිදහස් නිවහල් නොමිලේ අධ්යාපනය ශක්තිමත් කළ යුතු බවත් මේ පරිවර්තනාත්මක වෙනස්කම් කරන විට කලබල නොවී විධිමත් කාර්යක්ෂම සාකච්ඡාවක් සිදු කර ජනතාවගේ අදහස් ලබා ගෙන යහපත් ගුණගරුක යුක්තිගරුක සාරධර්ම ගුණාංගවලින් සපිරි දරු පරපුරක් නිර්මාණය කළ යුතු බවත් විපක්ෂ නායකවරයා පැවසීය.
මේ හැමදේකටම මුල රජයේ උද්දච්චකමයි
නමුත් රජය නිසි සාකච්ඡාවකින් නිසි ක්රමවේදවලින් බැහැරව උද්දච්චකමින් යුතු ප්රතිසංස්කරණ ක්රියාවලියකට යොමුවී ශීලාචාරය වෙනුවට අසභ්යත්වය ප්රතිසංස්කරණවලට ඇතුළත් වී ඇති බවත් අසභ්යත්වය නිදහස් අධ්යාපනය ගොදුරු කර ගෙන ඇති බවත් විපක්ෂ නායකවරයා පැවසීය.
අසභ්යත්වය නිදහස් අධ්යාපනයට එක් කිරීම කන්නන්ගර සංකල්පය නොවේ
අසභ්යත්වය නිදහස් අධ්යාපනයට ඇතුළත් කිරීම කන්නන්ගර සංකල්පය නොවන බැවින් රජය එය කඩිනමින් අවබෝධ කර ගත යුතු බවත් මේ අක්රමවත්ව අවිධිමත්ව කරගෙන යන්නා වූ අධ්යාපන ප්රතිසංස්කරණ නතර කර විධිමත් කළ යුතු බවත් මේ අසභ්ය කරුණු මොඩියුල්වලට ඇතුළත් වීම ගැන ස්වාධීන අපක්ෂපාතී පරීක්ෂණයක් පැවැත්විය යුතු බවත් අභ්යන්තර පරීක්ෂණ හරහා මේවා කළ නොහැකි බවත් විපක්ෂ නායකවරයා පැවසීය.
රජය ළමා අයිතිවාසිකම් උල්ලංඝනය කළා
රටක් ලෙස වගවීමෙන් වගකීමෙන් වැඩ කළ යුතු බවත් දරුවන්ගේ ළමුන්ගේ අයිතිවාසිකම් ආරක්ෂා කළ යුතු බවත් ළමා අයිතිවාසිකම් සුරක්ෂා කරන්න ජාත්යන්තර ප්රඥප්ති පවා අත්සන් කර ඇති බවත් මේ අධ්යාපන ප්රතිසංස්කරණ තුළ අසභ්යත්වය රජ වීම යනු ළමා අයිතිවාසිකම් උල්ලංඝනය කිරීමක් බවත් මේවාට වගකිවයුතු පාර්ශ්වය කවුද කියා පැහැදිලි කළ යුතු බවත් මෙහි වගකීම නිලධාරීන්ගේ කරපිට පමණක් පැටවීම අසාධාරණ බවත් විපක්ෂ නායකවරයා වැඩිදුරටත් පැවසීය.
මෙහි වගකීම රජය බාරගත යුතුයි
මෙහි වගකීම රජය නිවැරදිව හෙළි දැක්විය යුතු බවත් මෙය ළමා අයිතිවාසිකම් කඩ කිරීමක් බවත් ළමා අයිතිවාසිකම් අධ්යාපන ප්රතිසංස්කරණයේ නාමයෙන් කඩ නොකළ යුතු බවත් අසභ්යත්වය ඇතුළත් කළ පදනම ඉදිරිපත් කළ යුතු බවත් විපක්ෂ නායකවරයා පැවසීය.
ඉතිහාසය අමතක කර අසභ්යත්වය පෙරට ගත්ත රජයක් මේක
අප රටේ ඉතිහාසය ඉගෙන ගන්න පවා මේ හරහා අවස්ථාව අහිමි කර ඇති බවත් ඉතිහාසය ඉගෙනීම අහිමි කර අසභ්යත්වය ඇතුළත් කිරීම ගැන කණගාටුවන බවත් මේ අධ්යාපන ප්රතිසංස්කරණ ක්රමවත්ව ක්රියාත්මක කිරීමට විපක්ෂයක් ලෙස කැපවෙන බවත් ළමා අයිතිවාසිකම් සුරක්ෂිත කරන්න කැපවෙන බවත් විපක්ෂ නායක සජිත් ප්රේමදාස මහතා පැවසීය.
