ආර්.එෆ්.එම්.සුහෙල් – නුවරඑළිය
පානීය ජලය බෝතල උපරිම සිල්ලර මිලට වඩා වැඩි මිලට අලෙවිකල වෙළඳ ආයතනකට රුපියල් ලක්ෂ පහක දඩ මුදලක් ගෙවිමට නුවරඑළිය මහේස්ත්රාත් අධිකරණය මගින් නියම කර තිබේ.Sri Lanka Latest News
නුවරඑළිය පාරිභෝගික සේවා අධිකාරියේ ජේෂ්ඨ විමර්ශන නිලධාරී අමිල රත්නායක මහතා සදහාන් කලේ පානීය ජල බෝතල් අලෙවි කල ආයතනයක් හා සහල් උපරිම සිල්ලර මිලට වඩා වැඩි මිලට අලෙවි කල වෙළෙඳුන් දෙදෙනෙකු ඇතුළු අට දෙනෙකුට එරෙහිව නුවරඑළිය මහෙස්ත්රාත් අධිකරණයේදි නඩු ගොනු කළ අතර, ඉන් වරද පිළිගත් පානීය ජලය බෝතල උපරිම සිල්ලර මිලට වඩා වැඩි මිලට අලෙවිකල වෙළඳ ආයතනකට මෙම දඩ මුදල නියම කල බවය.
පසුගිය (29) දින චූදිතයන් අට දෙනකුට එරෙහිව නුවරඑළිය මහේස්ත්රාත් අධිකරණයේ දි නඩු ගොනුකල අතර, ඉන් වරද පිළිගත් චූදිතයන් අට දෙනෙක් සඳහා ගරු අධිකරණය මගින් රුපියල් හත්ලක්ෂ හතලිස් තුන්දහසක දඩ මුදලක් නියම කල බවත්, ඉන් සහල් උපරිම සිල්ලර මිලට වඩා වැඩි මිලට අලෙවි කිරීම සමිබන්ධව වෙළඳුන් දෙදෙනෙකු නෙකුට රුපියල් ලක්ෂය බැගින් ලක්ෂ දෙකක දඩ මුදලක් ද ගරු අධිකරණය මගින් නියම කල බවත් ඔහු තව දුරටත් පැවසීය.
දඩ මුදල් ගෙවූ අය අතර රු.100ක් වටිනා වතුර ලිටර් 1ක බෝතලයක් රු.140ට අලෙවි කිරිමට එරෙහිව රුපියල ලක්ෂ 05ක දඩයක්ද පාලන මිල ඉක්මවා සහල් අලෙවි කළ වෙළෙඳුන් දෙදෙනෙකුට රුපියල් ලක්ෂය බැගින්ද දඩ මුදල් නියම කර තිබෙනවා.
නුවරඑළිය දිස්ත්රික් ලේකම් තුෂාරි තෙන්නකෝන් මහත්මියගේ උපදෙස් පරිදි ක්රියාත්මක පාරිභෝගිකයන්ට ගුණාත්මක සේවාවක් ලබාදීමේ වැඩසටහන යටතේ පාරිභෝගික සේවා අධිකාරියේ මධ්යම පළාත් සහකාර අධ්යක්ෂ කේ.ඒ ප්රදීප් කළුතරආරච්චි මහතාගේ උපදෙස් පරිදි මෙම වැටලීම් සිදු කර තිබේ.
නුවරඑළිය පාරිභෝගික සේවා අධිකාරියේ ජේෂ්ඨ විමර්ශන නිලධාරී අමිල රත්නායක,විමර්ශන නිලධාරීන් වන එම් මුත්තුසිවානෝ, ඩබ් එම් එච් ජි ගාමිණී, එච් ඩි ඩබ් කේ එම් ආර් බි හපුහින්න, එස් එම් රස්ලාන්, අයි එන් එම් ඩි කන්දේවත්ත, එම් සි ඩි දිසානායක යන මහත්වරුන් පසුගිය දින කිහිපයේදි මෙම වැටලීම් සිදු කර තිබේ.
