මේ වසරේ පැවැත්වීමට නියමිත ජනාධිපතිවරණය කල් දැමීමේ උත්සාහයක් පිළිබඳ තොරතුරු පසුගියදා පාර්ලිමේන්තුවේදී අනාවරණ විය.Sri Lanka Latest News
ඒ, විපක්ෂයේ ප්රධාන සංවිධායක ලක්ෂ්මන් කිරිඇල්ල මහතා පාර්ලිමේන්තුවේ කළ ප්රකාශයක් හරහාය.
එහිදී කිරිඇල්ල මහතා කියා සිටියේ ජනාධිපතිවරයාගේ රාජාසන කතාවේ මේ වසරේ පැවැත්වීමට නියමිත ජනාධිපතිවරණය සම්බන්ධයෙන් වචනයක් හෝ නොතිබුණු බවත්, විවිධ බළල් අත් ලවා විධායක ජනාධිපති ක්රමය අහෝසි කිරීමේ යෝජනා මේ වන විට කලඑළි බසිමින් ඇති බවත්ය.
කිරිඇල්ල මහතා පාර්ලිමේන්තුවේදී කළ ප්රකාශය මෙසේය.
‘ගරු නියෝජ්ය කතානායකතුමනි, ගරු ජනාධිපතිතුමාගේ කතාවේ ජනාධිපතිවරණය ගැන වචනයක්වත් තියෙනවද? ජනාධිපතිවරණය තියෙන අවුරුද්ද. එක වචනයක් කියනවද? ප්රජාතන්ත්රවාදය ගැන වචනයක් කියනවද? වචනයක්වත් නෑ. මේ හදන්නේ සිවිල් සමාජයේ බළල් අත් අල්ලගෙන ජනාධිපතිවරණය කල් දාන්න උත්සාහයක් තියෙනවා. මම ඔබතුමාට කියන්න ඕනේ අවංකවම. පාර්ලිමේන්තුවටත් කියන්න ඕනේ. ඒකෙ සැලැස්ම තමයි සිවිල් සමාජයේ බළල් අත් අල්ලගෙන කොහොම හරි විධායක ජනාධිපති ක්රමය අහෝසි කරන්න යෝජනාවක් ගේන්න උත්සාහයක් දරනවා. එතකොට ඊට පස්සේ කියනවා විධායක ජනාධිපති ක්රමය අහෝසි කරන්න අලුත් ව්යවස්ථාවක් හදන්න ඕනේ. ඒකට අවුරුද්දක් අපට ඕනේ. ඒ නිසා ජනාධිපතිවරණය අවුරුද්දකින් කල් දාන්න කියලා උත්සාහයක් තියෙනවා. සිවිල් සමාජයේ බළල් අත් ඉන්නවනේ. ගිය සතියේ මැතිවරණ කොමසාරිස් සම්මුඛ සාකච්ඡාවක් තිබ්බා. ඒ සාකච්ඡාව කරපු තරුණයා එතුමාගෙන් ඇහුවා දැන් පළාත් පාලන මැතිවරණය තියන්න ගියාපුවම සල්ලි නෑ කිව්වා. මොකක්ද කොමිසම කෙරුවේ? කිසිම දෙයක් නෑ. ජනාධිපතිවරණය තියන්න යනකොට සල්ලි නෑ කිව්වොත් ඉලෙක්ෂන් කමිෂන් එක කරන්නේ මොකක්ද? එතුමාට උත්තර නෑ. ගොත ගගහා හිටියේ. බලන්න ඔබතුමත් ඒ ඉන්ටවිව් එක.’
මේ අතර, පසුගිය සතියේදී හිටපු අමාත්ය කරු ජයසූරිය මහතා සජබ මහලේකම් රංජිත් මද්දුමබණ්ඩාර මහතාට දුරකතන ඇමතුමක් ලබාදෙමින් සඳහන් කොට ඇත්තේ විධායක ජනාධිපති ක්රමය අහෝසි කිරීම සඳහා සියලු දෙනා එක්විය යුතු බවකි.
කෙසේ වෙතත් ඊට පිළිතුරු දෙමින් මද්දුමබණ්ඩාර මහතා ප්රකාශ කොට ඇත්තේ විධායක ජනාධිපති ක්රමය අහෝසි කිරීමට සජබයද එකඟ නමුත්, මේ අවස්ථාවේදී එය අහෝසි කිරීම ප්රායෝගික නැති බවත්, මෙවර ජනාධිපතිවරණය පැවැත්වීමෙන් පසු විධායකයේ බලතල අහෝසි කිරීම සම්බන්ධයෙන් සලකා බැලීමට සජබය සූදානම් බවත්ය.
