පසුගියදා මොරට නගරාධිපති සමන් ලාල් ප්රනාන්දු මහතා සමග මතගැටුමක් ඇති කරගෙන තිබූ අයකුට අද (13) දිනයේ පොලු ප්රහාරයක් එල්ල වී ඇති බව වාර්තා වේ.
මොරටුව මහනගර සභාවේ පො.ජ.පෙ හිටපු නාගරික මන්ත්රීවරයකු විසින් මෙම ප්රහාරය එල්ල කර ඇති බව පැවසේ.
පහරකෑමෙන් රොහල් ගත කර ඇත්තේ කඩලාන ගල්පිටහබඩ පදිංචි මහේෂ්ක මෙන්ඩිස් (48) නැමැති බොල්ගොඩ ගගේ බෝට්ටු අංගනයක් පවත්වාගෙන ගිය අයෙකි.
එම බෝට්ටු අංගනය අනවසර යැයි පවසා ඉකුත් මස එය ඉවත්කිරීමට මොරටුව නගර සභාව පියවර ගනු ලැබීය.
මෙහිදී මෙම පුද්ගලයා මොරටුව නගරාධිපතිවරයාගේ ක්රියා කලාපය තදින් විවේචනයට ලක් කරනු දැකගන්නට ලැබිණ.
අද උදැසන මොහු සිය යතුරුපැදියෙන් තමාගේ නිවස වෙත පැමිණෙමින් සිටියදී හිටපු නාගරික මන්ත්රීවරයා ඔහුගේ නිවස ඉදිරිපිටදී පොල්ලකින් පහරදී ඇත .
පසුව තුවාලකරු පානදුර මුලික රෝහලට ඇතුලත් වී ඇති අතර පොලුවලින් පහරදී ඇති සැකකාර හිටපු මන්ත්රිවරයා තවමත් අත්අඩංගුවට ගෙන නැති බව තුවාල ලැබූ අය පවසයි
මේ පිළිබඳව මොරටුමුල්ල පොලිසියෙන් කළ විමසීමේ දී පොලීසිය පවසා සිටියේ යම් පහරදීමක් පිළිබඳව සුළු පැමිණිලි අංශයට පැමිණිල්ලක් ලැබුනු බවයි.
මෙම සිදුවීමට අදාළ වීඩියෝව පහත පළවේ.
