අනාගතය ගැන හිතනකොට, ඉදිරියට කුමක් සිදුවේද? මොන ආකාරයේ දේවල්වලට මුහුණ දෙන්න වේවිද? දකින්න අහන්න ලැබේවිද? අපි සිහින දැකපු, නැතිනම් ගොඩක් දෙනා විහිළුවට කියන දේවල් ඇත්ත වෙයිද? ඔබ අහන්නට දකින්නට රුචිකත්වයක් දක්වන, බොහොදෙනා සිහින මවන කතාවක් මම අද ඔබට කියන්න යන්නේ.Sri Lanka Latest News
අනාගතයේ මිනිස් ජීවිතය කෙතරම් දිගුවිය හැකිද යන්න සම්බන්ධයෙන් විද්යාත්මක ලෝකය දැඩි කුතුහලයකින් සිටී. ජපානයේ ඔසාකා විශ්වවිද්යාලයේ පර්යේෂකයන්, “IU1” නම් නව ඖෂධයක් හඳුනාගෙන ඇත. මෙම ඖෂධය, කාලයත් සමග සෛලවල ඇතිවන දුර්වලතා නවතා දැමීමේ හැකියාවක් ඇති අතර, ජීවිතය දිගුකිරීමේ නව දොරටු විවෘත කළ හැකි බව පර්යේෂණවලින් තහවුරු වී තිබේ. විද්යාඥයන් පෙන්වන්නේ, සෛලවල ප්රෝටීන් සමතුලනය අඩාළවීම නිසා වයසට යාම සිදුවන බවයි. කාලයත් සමග හානි වූ ප්රෝටීන් එකතු වී සෛල ක්රියාකාරකම් අඩුකරයි, ශක්තිය අඩාළ කරයි, වයස්ගත වීමත් සමග විවිධ රෝග ඇති කරයි. “IU1” ඖෂධය, මෙම ක්රියාවලිීන් ශක්තිමත් කරමින්, ප්රෝටීසෝම්ස් සහ අව්ටොෆැජි ක්රියාකාරකම් දෙකම වැඩිදියුණු කරන බව පර්යේෂකයන් පෙන්වා දෙයි.
මහාචාර්ය Hyun සහ ඔහුගේ කණ්ඩායම ඩ්රොසොෆිලා මැස්සන් යොදාගෙන පරීක්ෂණ සිදුකළ අතර, IU1මගින් වයස්ගත වූ අයකුගේ සිදුවන මාංශපේශී ශක්ති අඩුවීම සහ සෛල අපහසුතා වැළැක්විය හැකි බව සොයාගෙන ඇත. මෙමගින් IU1 ඖෂධය USP14 නම් ප්රෝටීසෝම් සංයුතියේ සාධකයක් අක්රීය කිරීමෙන් ප්රෝටීසෝම් ක්රියාකාරකම් සහ අව්ටොෆැජි ක්රියාකාරකම් දෙකම එකවර වැඩි කරන බව පර්යේෂණයෙන් පෙන්වා දී ඇත.
මෙම සොයාගැනීම හරහා විශේෂයෙන් ඇල්සයිමර් සහ පාකින්සන් වැනි විකෘති වයස්ගත රෝගවලට නව ප්රතිකාර මාර්ගයක් සලසා දීමට හැකි බව පර්යේෂකයන් පෙන්වා දෙයි. තවද, ජිනේටික් ඉංජිනේරු, ස්ටෙම් සෙල්, කෘත්රිම අංග සෛල සහ ජීන් ප්රතිසංස්කරණය මගින් මිනිස් ජීවිතය දිගු කළ හැකි බව විද්යාඥයන් විශ්වාස කරයි. නවීන වෛද්ය තාක්ෂණය සහ පර්යේෂණ මෙවැනි හැකියාවන් ජීවමාන කරමින්, වයසට යාම කල්දැමීමට උත්සාහ දරයි.
අනාගතයේ, මෙවැනි සොයාගැනීම් මිනිස් ජීවිතයේ තත්ත්වය උසස් කරමින්, ආයු කාලය අවුරුදු 200-250 කින් දීර්ඝ කළ හැකි බවට හැඟීමක් ඇති කරයි. විද්යාත්මක ලෝකයේ මෙවැනි සොයාගැනීම්, වයස්ගත රෝගවලට නව ප්රතිකාර, මාංශපේශී ශක්තිය අඩුවීම වැළැක්වීම සහ ජීවන තත්ත්වය වැඩිදියුණු කිරීම සඳහා ඉඩ සැලසෙන අතර, ඒවා අනාගතයේ දැක්මක් ලෙස සැලකේ.
ඊ.ඩී. චමත්
