ආණ්ඩුවට විශාල වශයෙන් ආදායම් ලැබෙන ප්රධාන පෙළේ මණ්ඩල දෙකක සිදුව ඇතැයි කියන මහාපරිමාණ වංචා දූෂණ සම්බන්ධයෙන් වූ ලිපිගොනු කිහිපයක් සමගි ජන බලවේගයේ ප්රධානීන්ගේ අතට පත්ව ඇති බව වාර්තා වේ.Sri Lanka Latest News
මෙහිදී ප්රධාන වශයෙන් අදාළ මණ්ඩල දෙක හරහා සිදුකර ඇති මුද්රණ කටයුතුවලින් සහ ප්රචාරක කටයුතුවලින් පසුගිය කාලය පුරා දැවැන්ත වංචාවක් ඒ ඒ මණ්ඩලවල ප්රධානීන් විසින් සිදු කොට ඇති බව පැවසේ.
මෙහි එක් මණ්ඩලයක ප්රධානීයා ලෙස පත්කොට ඇත්තේ එක්තරා දේශපාලඥයකුට නෑකම් කියන හිතවතතකු බව දැනගන්නට ඇත.
අනෙක් මණ්ඩලයේ ප්රධානියා ඍජුවම පොහොට්ටුවේ දේශපාලන හෙංචයියෙක් බව වාර්තා වේ.
මේ දෙදෙනාගේ ආශිර්වාදයෙන් පසුගිය කාලය පුරා මේ මණ්ඩල දෙක තුළ විශාල වශයෙන් සිදුව ඇති වංචාවන්හි ලිපි ගොනු ඒවායේ වෘත්තීය සමිති නායකයන් විසින් මෙසේ සජබ ප්රධානීන්ට ලබා දී ඇති බව පැවසේ.
එහිදී ඔවුන් පෙන්වා දී ඇත්තේ පසුගිය වසර කිහිපය තුළ මොවුන් එක්ව සිදු කොට ඇති වංචාවන් හේතුකොටගෙන රටට අහිමි වූ මුදල ගණනය කිරීමටවත් නොහැකි යැයි කියාය.
විශේෂයෙන්ම මෙම මණ්ඩල දෙකම සිය ප්රචාරක කටයුතු සිදු කිරීමේදී 100%ක්ම දේශපාලනය මත පදනම්ව සිදු කොට ඇති බවත්, මෙම ප්රධානීන් දෙදෙනා පත්ව ආ පසු එම තත්ත්වය දෙගුණ තෙගුණ වි ඇති බවත් වෘත්තීය සමිති නායකයන් මෙහිදී පෙන්වා දී ඇත.
කෙසේවෙතත් මෙම ගනුදෙනුවලට අමතරව මෙම මණ්ඩල දෙක තුළ 2015 වසරේ සිටම සිදුව ඇති ගනුදෙනු සම්බන්ධයෙන් විශේෂ විමර්ශනයක් කිරීමට සජබය ඇතුළෙන්ම යෝජනාවක් ඉදිරිපත්ව ඇති බවද වාර්තා වේ.
