කැබිනට් මණ්ඩල තීරණයකට අනුව යමින් ධීවරයන් සඳහා ලබාදීමට සුදානම් කළ ඉන්ධන සහනාධාරය නතර කර ඇති බව වාර්තා වෙනවා. Sri Lanka Latest News
ආර්ථික අර්බුදය හේතුකොටගෙන ධීවර කර්මාන්තයට ඇතිවී ඇති බලපෑම අවමකර ධීවර කර්මාන්තය යථාතත්වයට පත්කිරීමේ වැඩසටහන ලෙස නම් කරමින් අමාත්ය මණ්ඩලය විසින් මෙම සහනාධාරය ලබාදීමට තීරණය කර තිබුණා.
ඒ සම්බන්ධව පසුගිය අගෝස්තු 28 වෙනිදා සියලුම දිස්ත්රික් බාර සහකාර අධ්යක්ෂවරුන් වෙත පිටු හතකින් යුතු ලිපියක් ධීවර හා ජලජ සම්පත් දෙපාර්තමේන්තුවේ අධ්යක්ෂ ජෙනරාල් සුසන්ත කහවත්ත විසින් යොමුකර තිබුණා.
එම ලිපියට අනුව මාස හයක කාලසීමාවක් වෙනුවෙන් සුදානම්කර තිබෙන ‘ඉන්ධන සහනාධාරය’ ලබාදීම ජනාධිපතිවරණය අවසන්වනතුරු අත්හිටුවීමට කටයුතු කරන බවයි වාර්තා වන්නේ.
මේ සම්බන්ධයෙන් අමාත්ය මණ්ඩල ලේකම්ගේ අංක අමප/24/1665/606/025 හා 2024.08.27 දිනැති ලිපියට යොමුව ලේකම්, මුදල් ආර්ථික ස්ථායිකරණ සහ ජාතික ප්රතිපත්ති අමාත්යංශය හා ලේකම් ධීවර අමාත්යංශ වෙත මැතිවරණ කොමිෂන් සභා මැතිවරණ කොමසාරිස් ජනරාල් ගේ EC/EDR/PRE/2024/a-21 හා 2024.08.29 දිනැති ලිපියට අනුව මෙම ‘සහනාධාරය’ අත්හිටුවා තිබෙනවා.
ඒ අනුව, ජනාධිපතිවරයා තෝරා පත් කර ගැනීමේ ඡන්ද විමසීමෙන් පසුව මෙම අමාත්ය මණ්ඩල තීරණයට අදාළ නිර්දේශ ක්රියාත්මක කරන ලෙස දැනුම් දී ඇති බවයි වාර්තා වන්නේ. මෙම ව්යාපෘතිය ක්රියාත්මක කිරීමට අදාළ සියලු කටයුතු ජනාධිපතිවරයා තෝරා පත් කර ගැනීමේ ඡන්ද විමසීම අවසාන වනතුරු තාවකාලිකව අත්හිටුවීමට අවශ්ය පියවර ගන්නා ලෙස මේ වනවිට දැනුම් දී තිබෙනවා.
