දූෂණ මර්දනය උදෙසා ආණ්ඩුක්රම ව්යවස්ථාව මගින්ම ස්ථාපිත බලවත් ශක්ති සම්පන්න “දූෂණ විරෝධී ආයතනයක්” පිහිටුවීමට කටයුතු කරන බව විපක්ෂ නායක සජිත් ප්රේමදාස මහතා පැවසීය.
සාමාන්යයෙන් සිදු වෙමින් තිබෙන්නේ බලය ලබා ගත්තාට පසු ඩීල් දැමීමත් සොරුන්, වංචාකරුවන් සමග ගණුදෙනු කිරීමත් බව පැවසූ විපක්ෂ නායකතුමා හොරුන් ජාවාරම්කරුවන් සමග දේශපාලඥයන් සිදුකරන ගනුදෙනු වලට තිත තැබිය යුතු යැයිද පැවසීය.
විපක්ෂ නායක සජිත් ප්රේමදාස මහතාගේ සංකල්පයක් ලෙස ක්රියාත්මක ජන සුවය ප්රජා සත්කාර වැඩසටහන් මාලාවට සමගාමීව, අම්පාර දිස්ත්රික්කයේ පානම ප්රදේශයේ ජීවත්වන අගහිඟකම්වලින් පිරි පවුල් නවසීයක් වෙනුවෙන් වියළි සලාක ආහාර මල්ලක් ලබා දීමේ වැඩසටහනක් අද (14) විපක්ෂ නායක සජිත් ප්රේමදාස මහතාගේ ප්රධානත්වයෙන් සිදුවිය. ඒ අම්පාර දිස්ත්රික්කයේ පානම බෝධිරුක්ඛාරාම විහාරස්ථානයේදී ය.
රුපියල් ලක්ෂ දාහත හමාර ක් වටිනා වියළි ආහාර සළාක එහිදී පරිත්යාග කරනු ලැබීය.
බලය ලබා ගන්නාතෙක් හොරු අල්ලන සටන් පාඨය වේදිකාවල මුර ගෑවද, බලය ලබා ගත්තාට පසු රටේ ලක්ෂ දෙසිය විස්සක් ජනතාවගේ බලාපොරොත්තු සහමුලින් අමතක කිරීම මෙතෙක් සිදු වූ ක්රමවේදය බව පැවසූ විපක්ෂ නායකතුමා යාලුකම් හෝ හිතවත්කම් වලට රටේ ජනවරම පාවා දිය නොහැකි බවද පැවසීය.
දූෂණවලට වැට බැඳීම අණපනත්වලට සීමා නොකොට ආණ්ඩුක්රම ව්යවස්ථාවට ඇතුළත් කරන බව පැවසූ විපක්ෂ නායකතුමා දූෂණ වලට වැට බැඳීම වෙනුවෙන් ගත හැකි සියලූ ක්රියාමාර්ග ගන්නා බවද පැවසීය.
මේ තරමට රට පුරා පෝලිම් බිහිව ඇත්තේ ආණ්ඩුවේ නොහැකියාවත්, ඩොලර් පිටින් හොරා කෑමත් නිසා බව පැවසූ විපක්ෂ නායකතුමා පැන්ඩෝරා පත්රිකා හරහා ඒ හොරකම්වල තරම එළිවී ඇතැයිද පැවසීය.
නිරූපමා රාජපක්ෂ සහ ඇගේ සැමියා මේ මුදල් උපයා ඇත්තේ අයථා ලෙස බව පැවසූ විපක්ෂ නායකතුමා මේ අමුඅමුවේ සිදු කළ හොරකමට දඬුවම් ලබා දිය යුතු යැයි ද පැවසීය.
සොරාකන ලද ඩොලර් රටට ලැබෙනවා නම් මේ රටේ ජනතාව පෝලිමේ සිටිය යුතු නැති බව පැවසූ විපක්ෂ නායකතුමා, මේ සොරකම් සහ දූෂණ සංස්කෘතිය මුලිනුපුටා දැමිය යුතු බවද පැවසීය.
