පැවති ගැටුම්වලින් පුද්ගලයින් 7 දෙනෙකු මියගොස් 231 දෙනෙකු තුවාල ලබා ඇතැයි සෞඛ්ය අංශ පවසයි.
ජාතික රෝහලේ ප්රකාශිකාවක සඳහන් කළේ, ගැටුම්වලින් තුවාල ලැබූ පුද්ගලයින් 218 දෙනෙකු ප්රතිකාර සඳහා ජාතික රෝහලට ඇතුළත් කර ඇති බවයි.
වීරකැටිය ප්රාදේශීය සභාවේ සභාපතිවරයාගේ නිවස පරිශ්රයේ ඊයේ රාත්රියේ සිදුවූ වෙඩි තැබීමකින් පුද්ගලයින් දෙදෙනෙකු මිය ගොස් තවත් 05 දෙනෙකු තුවාල ලැබුවේ ය.
පොදුජන පෙරමුණේ මන්ත්රී අමරකීර්ති අතුකෝරල මහතා සහ ඔහුගේ ආරක්ෂක නිලධාරියා නිට්ටඹුවේදී ඊයේ පස්වරුවේ මිය ගියේ ය.
පොදුජන පෙරමුණේ ආධාරකරුවන් අරගලියගහ මන්දිරය ඉදිරිපිට සහ ජනාධිපති කාර්යාලය ඉදිරිපිට සාමාකාමී විරෝධතාවයේ නිරත වූ පිරිසට පහරදීමේ සිද්ධියට විරෝධය පලකරමින් නිට්ටඹුව නගරයේ රැස්ව සිටි පිරිසකට මන්ත්රීවරයා සමග පැමිණි පුද්ගලයින් වෙඩි තබා ඇතැයි සඳහන් වේ.
වතුපිටිවල රෝහලේ ජ්යෙෂ්ඨ ප්රකාශකයෙකු සඳහන් කළේ, එම වෙඩි තැබීමෙන්, තුවාල ලැබූ පස්දෙනෙකු අතුරින් එක් අයෙකු මියගොස් ඇති බවයි.
මේ අතර , මීගමුවේ ප්රමුඛ පෙලේ හෝටලයකට එල්ලවූ ප්රහාරයෙන් පුද්ගලයෙකු මියගොස් 4 දෙනෙකු තුවාල ලබා ඇතැයි පොලිසිය පැවසුවේ ය.
