ලබන 25 වැනි දින පැවැත්වීඹට නියමිත තඹුත්තේගම කන්න රැස්වීම් දිනයේදී 25,000ක ගොවි ජනතාවක් සමග විරෝධතා දැක්වීමට සූදානම් බව අද එප්පාවල නගරයේ පැවැති ගොවි උද්ඝෝෂණයකදී ගොවීහු සදහන් කර සිටියහ.
මෙම රැස්වීමට විශාල පිරිසක් එක්ව සිටි අතර කෘෂිකර්ම අමාත්ය මහින්දානන්ද අලුත්ගමගේ මහතාගේ අනුරුවකට ගිනි තැබීමටද ගොවීහු කටයුතු කළහ.
එහිදී ඔවුන් කියා සිටියේ වහාම රසායනික පොහොර ලබා දීමට ආණ්ඩුව කටයුතු කළ යුතු බවත්, එසේ නොමැති නම් ගොවිතැන අතහැර දැමීමට කටයුතු කරන බවත්ය.
