අගමැති මහින්ද රාජපක්ෂ මහතා විසින් සහ පුරාවිද්යා දෙපාර්තමේන්තුව මගින් ලබා දී ඇති උපදෙස් නොතකා කොම්පඤ්ඤවීදිය ප්රදේශයේ පිහිටා ඇති වසර 150ක් පමණ පැරණි ‘ද සොයිසා’ ගොඩනැගිල්ල කඩා ඉවත් කිරීමට නාගරික සංවර්ධන අධිකාරිය සැලසුම් කොට තිබේ.
මේ වනවිටත් එම ගොඩනැගිල්ල පිහිටි භූමිය ඉන්දියාවේ ‘ටාටා නිවාස සංවර්ධන සමාගම වෙත පවරා ඇති බව ‘ද මෝනින්ග්’ පුවත්පත අනාවරණය කරයි.
පුරාවිද්යා දෙපාර්තමේන්තුව මෙම පරිශ්රය පෞරාණීක ස්වාභාවය ඉස්මතු වන ආකාරයට ප්රතිසංස්කරණය කරන ලෙස උපදෙස් ලබා දී ඇති අතර අගමැතිවරයා පසුගිය මාර්තු මාසයේදී මෙම ගොඩනැගිල්ල ඉවත් නොකරන ලෙසට උපදෙස් ලබා දී ඇති බවද දැනගන්නට ඇත.
නමුත් නාගරික සංවර්ධන අධිකාරිය ප්රකාශ කොට ඇත්තේ මෙම පරිශ්රය පුරාවිද්යාවෙන් ගැසට් කොට නොමැති බවත්, දැනටමත් මෙම ගොඩනැගිල්ල කඩා ඉවත් කිරීමට තීරණය කොට ඇති බවත්ය.
දානපතියකු ලෙස සැලකෙන චාල්ස් හෙන්රි ඩි සොයිසා මහතා විසින් 1870දී මෙම ගොඩනැගිල්ල ඉදි කොට ඇත.
