2024 ජනවාරි 01 සිට දෙසැම්බර් 25දා දක්වා කාලය තුළදී දිවයින තුළ සංවිධානාත්මක පාතාල කල්ලි ඇතුළු විවිධ පුද්ගලයන් අතර ඇතිවූ ඉඩම් ආරවුල්, ව්යාපාරික ආරවුල් මත වෙඩිතැබීමේ සිද්ධීන් 101ක් සිදුව ඇතැයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග මහතා ‘මව්රට’ට පැවැසීය. (Sri Lanka Latest News)
එහෙත් මෙම සිද්ධීන් අතරින් සංවිධානාත්මක පාතාල අපරාධකරුවන් අතරේ වෙඩිතැබීමේ සිද්ධීන් සිදුව ඇත්තේ 55ක් බව සඳහන් කළ පොලිස් මාධ්ය ප්රකාශකවරයා පසුගිය වසරේ මෙම කාලය තුළ එවැනි සිද්ධීන් 65ක් වාර්තා වී තිබූ බවද සඳහන් කළේය.
දැනට සිදුවෙමින් පවතින මෙම තත්ත්වය මැඬපැවැත්වීම සඳහා පොලිස්පතිවරයා විසින් අදාළ ප්රදේශ භාර පොලිස් ප්රධානීන්ගේද අධීක්ෂණය යටතේ පොලිස් නිලධාරීන් 20 දෙනකුගෙන් යුත් කමිටුවක්ද පත්කොට ඇති බව ඔහු පැවැසීය.
මේ අතර, සෑම සතියකම පොලිස්පතිවරයා යටතේ පොලිස් මහජන දිනයක් පවත්වමින් මහජන සාමය ආරක්ෂා කිරීම සඳහා දිගුකාලීන, කෙටිකාලීන හා මධ්යකාලීන ආරක්ෂක සැලසුම් ක්රියාත්මක කිරීමට පොලිස්පතිවරයා පියවර ගෙන ඇති බවද සඳහන්ය.
ඒ සඳහා ඇතැම් දිනවලදී මහජන ආරක්ෂක ඇමැති ආනන්ද විජේපාල ආරක්ෂක ලේකම්වරයාද සහභාගි වන බවද මනතුංග මහතා පැවැසීය.
ප්රේමලාල් විජේරත්න
