මැතිවරණ කොමිසමේ සභාපති මහින්ද දේශප්රිය මහතා හා එක්සත් ජාතික පක්ෂ අපේක්ෂකයකු ඔෂල හේරත් නැමැත්තකු අතර සමගි ජන බලවේගය සම්බන්ධයෙන් සිදුව ඇති සංවාද පිළිබදව හඬ පට කිහිපයක් මාධ්යයට නිකුත් වීමෙන් අනතුරුව මැතිවරණ කොමිසම පළමු වරට ඊට අදාළ මාතෘකාව පිළිබද පැහැදිලි කිරීමක් කරමින් නිවේදනයක් නිකුත් කොට තිබේ.
අදාළ හඬ පට මීට සති 2ට ඉහතදී මාධ්යට නිකුත් වූ අතර එහි තිබුණේ සමගි ජන බලවේගය නීත්යනුකූල නොවන බවට ඔෂල හේරත් නැමැත්තා විසින් පවරනු ලැබූ නඩුවට අදාළව මහින්ද දේශප්රිය මහතා හා ඔෂල හේරත් මහතා අදහස් හුවමාරු කර ගන්නා ආකාරයත්, ඊට අවශ්ය යම් යම් උපදෙස් ලබා දෙන ආකාරයත්ය.
එම සංවාදයන්හිදී මේ දෙදෙනා අතිශය සමීප හිතවතුන් ලෙස අදහස් හුවමාරු කරගන්නා ආකාරය දැකගන්නට තිබේ.
පසුව දේශප්රිය මහතාගේ මෙම ක්රියාකලාපය සදාචාරාත්මක නොවන එකක් බවට විශාල හඬක් සමාජයෙන් නැගෙන්නට වීමත් සමග ඒ සම්බන්ධයෙන් පැහැදිලි කිරීමක් කරමින් මෙම නිවේදනය මැතිවරණ කොමිසම මගින් නිකුත් කොට ඇත.
ඊට කොමිසමේ සෙසු සාමාජිකයන් දෙදෙනා විසින්ද අස්සන් තබා තිබීම විශේෂත්වයකි.
ඉකුත් බ්රහස්පතින්දා (22) දින නිකුත් කර ඇති නිවේදනයෙන් දැක්වෙන්නේ සමාජ මාධ්ය ජාලාවන්හි සහ සෙසු මාධ්යවල පළවන කරුණු පිළිබදව යම් යම් පිරිස් විමසීම් කළ බවත්, සජිත් ප්රේමදාස මහතාගේ සමගි ජන බලවේගය නීත්යානුකූල පක්ෂයක් ලෙස මැතිවරණ කොමිසම විසින් පීළිගෙන ඇති බවත්ය.
එමෙන්ම ඔෂල හේරත් මහතා විසින් සමගි ජන බලවේගයේ නීත්යානුකූල භාවය විමසමින් පැවරූ නඩුව ශ්රේෂ්ඨාධිකරණය විසින් විභාගයට නොගෙනම ඉවත දැමූ බවද කොමිසමේ නිවේදනය මගින් වැඩිදුරටත් පෙන්වා දී ඇත.
එම සම්පූර්ණ නිවේදනය මෙසේය.
