පසුගිය වසරේ ඔක්තෝබර් 15 වැනිදා නිකුත් ගළ ගැසට් නිවේදනය හැර කොවිඩ් වසංගතය මැඩපැවැත්වීමට අදාලව නිකුත් කළ සියලු ගැසට් නිවේදන අවලංගු කර ඇති බව සෞඛ්ය සේවා අධ්යක්ෂ ජෙනරාල්වරයා පවසයි.
වර්තමානය වනවිට රටේ පවතින තත්වය සැලකිල්ලට ගනිමින්, ඔක්තෝබර් 15 ගැසට් නිවේදනයේ 98 වැනි වගන්තිය ප්රකාරව නව රෙගුලාසි 48 ක් හඳුන්වා දී ඇති අතර මින් ඉදිරියට එම රෙගුලාසි ක්රියාත්මක වේ.
සෞඛ්ය සේව අධ්යක්ෂ ජෙනරාල්වරයා විසින් නිකුත් කර ඇති නව රෙගුලාසිවල ඇතුළත් කරුණු
- අද සිට 31 දා දක්වා සෑම දිනකම රාත්රී 11 සිට උදෑසන 4 දක්වා කාලයේදී දිවයිනේම වාහන ගමනා ගමනය සීමා වෙන අතර මෙම කාලයේදී පුද්ගල සංචරණ සීමා වෙයි. අත්යාවශ්ය සේවා සඳහා එය බාධාවක් නෑ.
- භාණ්ඩ මිලදී ගැනීම සඳහා නිවසින් බැහැරව යාම හැඳුනුම්පතේ අංක අනුව.
- පොදු ප්රවාහන සේවා ආසන ගණනට පමණයි
- කුලී රථයක දෙදෙනෙක් පමණයි
- උපයෝගීතා සේවා අවම කාර්ය මණ්ඩලයක් යටතේ
- රජයේ හා පෞද්ගලික ආයතන අවම කාර්ය මණ්ඩලයක් යටතේ
- රැස්වීමක උපරිම සංඛ්යාව 10යි. (කොවිඩ් ප්රශ්න ගැන පමණයි)
- අපනයනය අරමුණු කරගත් කර්මාන්ත ශාලා ජෛව බුබුලු අනුව පවත්වාගෙ යා හැකියි.
- සුපිරි වෙළඳ සැල්/පොළ/ සියයට 25 ධාරිතාවයකින්
- කෘෂිකර්මාන්තය සෞඛ්ය මාර්ගෝපදේශ අනුව පවත්වාගෙන යා හැකියි
- ජංගම වෙළඳුන් සෞඛ්යාරක්ෂිත ක්රමවේද අනුව කටයුතු කළ යුතුයි
- ඉන්ධන හා ඉදිකිරීම් සේවා සෞඛ්යරාක්ෂිත ක්රමවේද අනුව කටයුතු කළ යුතුයි.
- බන්ධනාගර වලට අමුත්තන් බෑ
- රෝහල් මාර්ගෝපදේශ අනුව කටයුතු කළ යුතුයි.
- දිවා සුරකුම්, පාසල්, පෙර පාසල්, විශ්වවිද්යාල උපකාරක පන්ති වසා තැබේ.
- මංගල උත්සව තහනම් නමුත් විවාහයක් ලියාපදංචි කිරීමට 15කගෙන් යුත් කණ්ඩායමකින් සිදුකළ හැකියි.
- අවමංගල උත්සව සඳහා උපරිමය 15යි පැය 24න් අවසන් කළ යුතුයි
- උත්සව සාද එක්රැස්වීම් බෑ
- පූජනීය ස්ථානවල සාමූහික ක්රියාකාරකම් බෑ
- ව්යායාම ශාලා මැයි 31 දා තෙක් වසයි
- සිනමා ශාලා/සැණකෙලි ක්රීඩා ස්ථාන වසයි
- අවන්හල් සියයට 25ක ධාරිතාවයකින්
- මධ්යසාර අලෙවි සැල් විවෘත කිරීම උදෑසන 10 සිට සවස 6 දක්වා පමණයි
- කැසිනෝ ඔට්ටු සම්බාහන ස්ථාන වසා තැබෙයි.
