ශ්රී ලංකන් ගුවන් සමාගම සතු ගුවන් යානා 5 ක් තාවකාලිකව භාවිතයෙන් ඉවත් කර ඇති බවට පළ වී ඇති මාධ්ය වාර්තා සම්බන්ධයෙන් එම සමාගම කරුණු පැහැදිල් කිරීමක් සිදු කොට ඇත.
එම නිවේදනය පහත දැක්වේ.
ශ්රීලංකන් ගුවන් සමාගමේ කරුණු පැහැදිලි කිරීම
2023 අප්රේල් 21, කොළඹ: ශ්රී ලංකන් ගුවන් සමාගම සතු ගුවන් යානා 5 ක් තාවකාලිකව භාවිතයෙන් ඉවත් කර ඇති බවට පළ වී ඇති මාධ්ය වාර්තාවල අඩංගු ඇතැම් නොමඟ-යවනසුලු කරුණු සම්බන්ධයෙන් එම ගුවන් සමාගම මෙසේ කරුණු පැහැදිලි කරයි.
මෙම යානා Airbus A320 NEO යන ගුවන් යානා කාණ්ඩයට අයත් වන අතර, ඒවාට අවශ්ය එන්ජින් ලැබෙන තුරු මෙලෙස තාවකාලිකව භාවිතයෙන් ඉවත් කර ඇත. ලොව පුරාම මෙම වර්ගයේ ගුවන් යානාවල මතු වී තිබෙන යම් යම් තාක්ෂණික ගැටලු හේතුවෙන්, සමස්ත ගුවන් සේවා ක්ෂේත්රයම එන්ජින් හිඟයකට මුහුණ දී සිටින අතර, එන්ජින් අලුත්වැඩියා කිරීම සඳහා විශාල කාලයක් ගතවන තත්ත්වයක්ද උදා වී ඇත. මෙම ගැටලුවට විසඳුම් සොයාගැනීම සඳහා ශ්රීලංකන් ගුවන් සමාගම මේ වනවිට සැපයුම්කරුවන් සමග සාකච්ඡා කරමින් සිටින අතර, ඉදිරි මාසවලදී එන්ජින් සැපයුම යථා තත්ත්වයට පත්වනු ඇතැයි අපේක්ෂා කෙරේ. ඒ අනුව, ශ්රීලංකන් ගුවන් සමාගම සතු මෙම ගුවන් යානා තාවකාලිකව භාවිතයෙන් ඉවත් කර ඇත්තේ ගෝලීය වශයෙන් පවතින අමතර කොටස් හිඟයක් නිසා බවත්, ඇතැම් මාධ්ය මගින් සාවද්ය ලෙස වාර්තා කර තිබූ ආකාරයට මුදල් හිඟයක් නිසා නොවන බවත් එම ගුවන් සමාගම අවධාරණය කර සිටී.
-අවසානයි-
