රිජ්වේ ආර්යා ළමා රෝහලේ සිදුකළ පරීක්ෂණයකදී දරුවන්ගෙන් 20%ක් පමණ මන්දපෝෂණයෙන් පෙළෙන බවට අනාවරණය වූ බව ළමා රෝග පිළිබඳ විශේෂඥ වෛද්ය දීපාල් පෙරේරා මහතා පවසයි.
දරුවන්ට ලැබිය යුතු ප්රධාන පෝෂික ලැබීමේ අඩුව ඊට ප්රධාන හේතුව බවයි විශේෂඥ වෛද්යවරයා අවධාරණය කළේ.
“රිජ්වේ ආර්යා ළමා රෝහලේ ළමුන් 53 දෙනෙකුව අපි පරීක්ෂා කළා. ඉන් 20%කට මන්දපෝෂණ තත්ත්වය නිරීක්ෂණය වුණා. ඔවුන්ගෙන් හරි අඩකගේ තත්ත්වය බරපතලයි.”
“අපේ දරුවන්ට අවශ්ය ප්රධාන පෝෂක වන කාබෝහයිඩ්රේට්, ප්රෝටීන්, ලිපිඩ සහ ඛනිජ, විටමින් ලැබීමේ අඩුවක් අපට නිරීක්ෂණය වුණා”
“චීස්, බටර් වගේ දේවල්වලට වැඩිය දියර කිරි, බිත්තර, බත්, කොළ මැල්ලුමක් අහාරයට එක් කරන්න. දරුවන්ට කහපාට එළවළු ලබාදෙන්න.”
“ගැබිනි මව්වරුන් ද තමන්ගේ පෝෂණය ගැන වැඩි අවධානයක් යොමු කරන්න ඕනේ” යනුවෙන් විශේෂඥ වෛද්ය දීපාල් පෙරේරා මහතා එම තත්ත්වය පිළිබඳ අදහස් දක්වමින් සඳහන් කර ඇත.
