අපරාධ පරීක්ෂණ දෙපාර්තමේන්තුව විසින් හිටපු අමාත්ය, පාර්ලිමේන්තු මන්ත්රි රිෂාඩ් බදියුදීන් මහතාගේ බිරිඳගෙන් ප්රකාශයක් සටහන් කරන ගෙන තිබේ.
රිෂාඩ් බදියුදීන් මහතාගේ කොළඹ පිහිටි නිවසේ දී එම ප්රකාශය සටන් කරගෙන ඇති බව වාර්තා වේ.
ඊයේ (15) සවස අපරාධ පරීක්ෂණ දෙපාර්තමේන්තුවේ නිලධාරීන් පිරිසක් රිෂාඩ් බදියුදීන් මහතාගේ කොළඹ 7, බෞද්ධාලෝක මාවතේ පිහිටි නිවසට පැමිණ පරීක්ෂා කළ අතර පැයක පමණ කාලයක් නිවස තුළ සිටි නිලධාරීන් පසුව එම ස්ථානයෙන් පිටව ගොස් තිබුණි.
මේ අතර පාර්ලිමේන්තු මන්ත්රි රිෂාඩ් බදියුදීන් අත්අඩංගුවට ගැනීම සඳහා පොලිස් කණ්ඩායම් හයක් යොදවා ඇතත් ඔහු සිටින ස්ථානයක් අනාවරණය කරගැනීමට අපරාධ පරීක්ෂණ දෙපාර්තමේන්තුව මේ දක්වා සමත් වී නැත.
