ඉදිරි මහමැතිවරණයේදී අගමැති අපේක්ෂකයා ලෙස ඉදිරිපත් වීමට එක්සත් ජාතික පක්ෂයේ නායක රනිල් වික්රමසිංහ මහතා සිය අකැමැත්ත ප්රකාශ කොට ඇති බව දැනගන්නට තිබේ.
ඊයේ (01) රාත්රියේ පැවැති කෘත්යාධිකාරී මණ්ඩල රැස්වීම අවසන් වීමෙන් පසු වික්රමසිංහ මහතාට හිතවත් මන්ත්රීවරුන් අතර පැවැති සාකච්ජාවකදී ඒ මහතා මේ බව දැනුම් දී ඇත.
එහිදී මන්ත්රීවරුන් වික්රමසිංහ මහතාගෙන් ඉල්ලා ඇත්තේ අගමැති අපේක්ෂකත්වය ගෙන මැතිවරණ ප්රචාරක ව්යාපාරයේ නායකත්වය ගන්නා ලෙසටය.
නමුත් ඊට වික්රමසිංහ මහතා සිය අකැමැත්ත ප්රකාශ කිරීමෙන් අනතුරුව රවි කරුණානායක මහතා යෝජනා කොට ඇත්තේ එසේ නම් කරු ජයසූරිය මහතා හට අගමැති අපේක්ෂකත්වය ලබා දී මැතිවරණ ප්රචාරක ව්යාපාරය දියත් කළ යුතු බවකි.
