පොදුජන පෙරමුණෙන් මෙවර මහ මැතිවරණයට තරගවදින අපේක්ෂකයන්ගේ ජයග්රහණය තහවුරු කරනු පිණිස ඊයේ (06) පුත්තලම දිස්ත්රික්කයේ චාරිකාවේ නිරතවෙමින් මාදප්පේ තනිවැල්ලේ ප්රදේශයේ පැවති ජන හමුවට සහභාගී වූ අවස්ථාවේදී පුත්තලම, කාක්කාපල්ලිය, මනක්කුලම පදිංචි 84 හැවිරිදි එම්.ඒ.එච්.පී මාරසිංහ විශ්රාමික ගුරු මව විසින් රුපියල් ලක්ෂ 02 ක මුදලක් කොවිඩ් අරමුදලට පරිත්යාග කර තිබේ.
ඒ අනුව අදාළ මුදල ජනාධිපති ගෝඨාභය රාජපක්ෂ මහතා අතටම ලබා දීමට එම ගුරු මව කටයුතු කොට ඇත.
‘ජනාධිපතිතුමනි,“ නීතිය, යුක්තිය, ධර්මය රකින රජයක් – ස්වංයපෝෂිත රටක් අපට දෙන්න” යනුවෙන් ඇය රුපියල් පන්දහසේ නෝට්ටුවලින් සමන්විත රුපියල් ලක්ෂ 02ක මුදල ඔතා දුන් කොළයේ සටහන් කර තිබිණ.
