කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් 7 දෙනෙකු මරණයට පත්ව ඇතැයි සෞඛ්ය සේවා අධ්යක්ෂ ජනරාල්වරයා තහවුරු කළේය.
ඒ අනුව වයිරසය ආසාදනය වීම හේතුවෙන් මියගිය සමස්ත මරණ සංඛ්යාව 323 ක් දක්වා ඉහළ ගියේය.
මියගිය පිරිස අතර පිරිමි 5 දෙනෙක් සහ කාන්තාවෝ දෙදෙනෙක් වෙති. මිය ගිය එක් පුද්ගලයෙක් අවුරුදු 39ක් වන අතර හෙතෙම නිවෙසේදී මිය ගොස් ඇති බවද වාර්තා වේ.
මේ අතර පිටපිටම සිව් වන දිනටත් රෝගීන් 800 ඉක්මවා වාර්තා වෙමින් ඊයේ (01) දිනයේද වාර්තා වු සමස්ත ආසාදිතයින් සංඛ්යාව 816කි.
ඒ අනුව, මෙරට සමස්ත කොවිඩ් ආසාදිතයින් ගණන 64,973ක් දක්වා ඉහළ ගොස් තිබේ.
