නටනවා කියන එකයි, නටවනවා කියන එකයි, නැටවෙනවා කියන එකයි වෙනස් වෙනස් දේවල්. මිනිස්සු නටනවා. නැටුම් තියෙනවා. නැටුම විෂයක්. නැටුම ශාස්ත්රයක්. නැටුම සංස්කෘතියක්. අපි නැටුමට ආදරේ කරනවා. උඩරට නැටුම් බලන්න සුද්දෝ ලංකාවට එනවා. පහතරට නැටුම උඩරට නැටුමට වඩා ලස්සනයි කියලා සමහරු කියනවා. උඩරටයි පහතරටයි දෙකට අමතරව සබරගමුවෙත් නැටුම් තියෙනවා. මේ නැටුම් සම්ප්රදායන් එකිනෙකට වෙනස් වුණාට නැට්ටුවෝ සමහර වෙලාවට මේ තුනම නටනවා. නැට්ටුවෙකුට නැටුමෙන් කෙළ පැමිණෙන්න නැටුමට අදාළව එළිබැසීමේ අවස්ථා තියෙනවා. පයින්පත් මංගල්යය සහ වෙස් මංගල්යය උඩරටටත්, මඩුබැහීම පහත රටටත් අදාළව සිදුවෙනවා. කොහොම වුණත් අපි හැමෝම නටනවා. සමහර වෙලාවට අපිව නටවනවා. හැබැයි නටවනකොට අපි නැටවෙන අයට රූකඩ කියලා කියනවා. රූකඩ නටවන එක නටවන්නාගේ දක්ෂතාව. ඒත් සමහර වෙලාවට නටනවට වඩා රූකඩයට වඩා නටන කෙනා නැටවෙනවා කියලත් කතන්දරවලදී කියනවා. කොහොම වුණත් නටන එකටයි නටවන එකටයි අමතරව, නැටවෙනවා කියලා දේකුත් තියෙනවා. බෙර සද්දේ ඇහෙද්දී නැටවෙනවා. සංගීතය ඇහෙද්දී නැටවෙනවා. සමහර වෙලාවට නටන එකට, නටවන එකට අමතරව නැටවෙන එක අපිට පොදුයි කියලා වෙලාවකට හිතෙනවා. කාලයක් තිස්සේ අපි එක්කෙනාගේ පදයට නටනවා. ඒ නිසා පදය කාගෙ වුණත් නැටුම කාගේ වුණත් නටන එකයි නැටවෙන එකයි වරදක් නෙවෙයි කියන එකයි අපේ අදහස. හැබැයි මේ කියන්න යන්නේ ඊට වඩා වෙනස් කතාවක්. (Sri Lanka Latest News)
පහුගිය කාලේ අපි දැක්කා අපේ රටේ ඉන්න ගුරුවරුන්ගෙන් වැඩි පිරිසක් තැන් තැන්වල නටනවා. ගුරුවරු ළමා දිනේට නටනවා. ගුරු දිනේටත් නටනවා. සමහර ගුරුවරු දියරෙදි ඇඳගෙන නටනවා. සමහර ගුරුවරු නැටුම් ඇඳුම් ඇඳගෙන නටනවා. සමහර ගුරුවරු ඉස්කෝලේ ඇඳුම පිටින්ම නටනවා. ප්රින්සිපල්ලා පිට්ටනියට බැහැලා නටනවා. ළමයි ගුරුවරු එක්ක නටනවා. සමහර නැටුම් බ්රේක් ඩාන්ස්. සමහර නැටුම් ඊට වඩා වෙනස් ඩාන්ස්. සමහර අය තමන්ගේ සම්ප්රදායට ගරු කරමින් සම්ප්රදාය රැක ගනිමින් විශිෂ්ට ආකාරයේ නර්තනාංග ඉදිරිපත් කරලා දරුවන් අතර ප්රසිද්ධ වෙනවා. සමහර වෙලාවට ගුරුවරු එක එක අයගේ පදේට නටනවා. එහෙම එක එක අයගේ පදේට නටන්න ගියාම පස්සේ වැඩ වරදිනවා. ගුරුවරු නටන්න ගත්තම ගරුවරියන් නටන්න ගත්තම ගරුවරුන්ගේ, ගරුවරියන්ගේ ගෞරවයට හානි වෙන බව සමහර අය කියනවා. ගුරුවරුන්ගේ නැටුම, ගුරුවරුන්ගේ නැටවීම, ගුරුවරුන්ගේ නැටුම් ප්රශ්න කරන තැනට අද රට පත්වෙලා තියෙනවා. ඒකට හේතුව ඉස්සර ගුරුවරු කවදාවත් මේ විදියට තැන් තැන්වල එළිපිට නැටුවේ නෑ. ඒගොල්ලෝ නැටුවේ හැංගි හැංගි කියලා තමයි සමහර තැන්වල නම් කියන්නේ. හැංගි හැංගි වෙස් බැන්දට නටන්න වෙන්නේ එළිපිට කියලා කතාවක් තියෙනවා.
ශාස්ත්රයක් විදියට විෂයක් විදියට නැටුවට ප්රශ්නයක් නෑ. ශාස්ත්රීය මට්ටමෙන් නර්තනාංග ඉදිරිපත් කළාට ප්රශ්නෙකුත් නෑ. ගුරුවරු කියලා නටන්න තහනමකුත් නෑ. ගුරුවරුන්ට මඟුල් ගෙවල්වල නැටුවට ප්රශ්නෙකුත් නෑ. උත්සවයකට ගිහිල්ලා නටලා ගෙදර ඇවිල්ලා ඒක වීඩියෝ කරලා බැලුවට කමකුත් නෑ. වෙරි මතින් හෝ වෙනත් මතකින් නටන එක ප්රශ්නයක්. එහෙම නටනවා නම් ඒ අය ගුරුවරු නොවිය යුතුයි සහ එහෙම නටන අයට ගුරු භූමිකාව පැත්තකින් තියලා නටන්න අවස්ථාව ලබාදිය යුතුයි කියලත් අපි කියනවා. කොහොම වුණත් ඉස්කෝලේ උත්සවවලදී පිස්සු හැදිලා වගේ නටන ප්රින්සිපල්ලගේ වීඩියෝ දැක්කට පස්සේ අපිට හිතෙන්නේ මේ ගුරුවරුන්ට ආයෙත් මේ ඉස්කෝලේ නටන්නේ නැතුව ඉන්න පුළුවන්ද කියලා. ළමයින්ට අපි කෑගහනවා නටන්න එපා ළමයි කියලා. හැබැයි ගුරුවරුන්ට කෑගහන්න කෙනෙක් නැති නිසා ගුරුවරු නටනවා. ගුරුවරුයි, ගුරුවරියොයි වේදිකාවට ඇවිල්ලා අතින් අල්ලගෙන බදාගෙන උඩ දදා නටනකොට ගුරුවරු ගුරුවරියන්ගේ රෙදි ඇඳගෙන නටනකොට, ගුරුවරු දිය රෙදි ඇඳගෙන නටනකොට ඒක අශෝභනයි කියලා කියන්න අපිට අයිතියක් තියෙනවා. ගුරුවරුන්ට ගුරුවරියන්ට නටන්න අයිතියක් නැද්ද කියලා කෙනෙක් අපෙන් ප්රශ්න කළොත් අපිට කියන්න තියෙන්නේ නෑ ප්රශ්නයක් නෑ, නටන්න. නැටුවා කියන එකේ නෙවෙයි ගැටලුව තියෙන්නේ. අශෝභන විදියට නටන එකේ.
ගුරුවරුන්ට මෝඩයෝ වගේ නටලා, ඒ ඒ අය අතර තියෙන ගෞරවය නැතිකරගෙන ලංකාවේ අධ්යාපන ක්රමයට පවා හානි වෙන තැනට පත්වෙලා තියෙන මේ වෙලාවේ ගුරුවරුන්ට ඕනෙ ඕනේ විදියට නටන්න ඉඩකඩ තියෙන උත්සව සංවිධාන කළාට අපිට කමක් නෑ. හැබැයි ඉස්කෝලේ පිට්ටනියට බැහැලා ප්රින්සිපල් බ්රේක් ඩාන්ස් දානකොට ඒක අශෝභනයි. ඉස්කෝලේ ගුරුවරියන්ගේ ඇඳුම් ඇදෙගන, දියරෙදි ඇඳගෙන ගුරුවරු නටනවා නම් ඒකත් අශෝභනයි. ගුරුවරු ගුරුවරියෝ සහ දරුවෝ අතර තියෙන පරතරය රැකගන්නේ නැතුව පිස්සුවෙන් වගේ නටන එක අශෝභනයි. ගුරුවරුන්ට තමන්ගේ විෂයට අදාළව කරන නර්තනාංග ඉදිරිපත් කිරීම් සිදුකරන්න තවදුරටත් ඉඩ තියලා මේ වගේ දේවල් සම්බන්ධයෙන් චක්රලේඛයක් හරි ඉදිරිපත් කරලා යම් ක්රමවේදයක් යටතේ පාලනයක් යටතේ මේ දේවල් සිදුකරනවා නම් හොඳයි කියලා අපට හිතෙනවා.
හැබැයි ඉතින් අපි කියන දේ වැරැදියි කියලා හිතෙනවා නම් බොරුවට නටන්නේ නැතුව ඔබට අවශ්ය නැටුම ඔබ නටාගන්න. එහෙම නැටුවා කියලා අපි කවදාවත් විරුද්ධ වෙන්නේ එහෙම නෑ. ඔයාගේ පදේට එයා නැටුවට, එයාගේ පදේට ඔයා නැටුවට, තම තමන්ගේ පදේට නැටුවට අපේ විරෝධයක් නෑ. සාමාන්යයෙන් කතාවට කියනවනේ නටපු නැටුමකුත් නෑ බෙරේ පළුවකුත් නෑ කියලා. ඒ නිසා නටපු නැටුමකුත් නැතුව, බෙරේ පළුවකුත් නැතුව යයි කියන බයටයි අපි මේ කියන්නේ. නැටුවට කමක් නෑ. නැටෙව්වට කමකුත් නෑ.
නටන නැටවෙන නටන්න පුළුවන් වෙන හැමෝටම අපි මේ කියන්නේ. නටනකොට හොඳ කල්පනාවෙන් බලන්න පොළොව ඇදයිද කියලා. මොකද නටන්න බැරි අයයි පොළොව ඇදයි කියලා කියන්නේ. නටන්න බැරි අය පොළොව ඇදයි කියලා කියනකොට ඔබට හිතෙයි අපිත් මේ නටන්න බැරි නිසා පොළොව ඇදයි කියලා කියනවා කියලා. නෑ. අපි මේ කියන්නේ එහෙම කතාවක් නෙවෙයි. අපි මේ කියන්නේ ගුරුවරුන්ට ගුරු ගෞරවය තියාගෙන දරුවන් සහ ගුරුවරු අතර තියෙන පරතරය තියාගෙන, ගුරුවරු විදියට විශ්වාසය රැකගෙන තමන්ගේ සංස්කෘතිකාංග ඉදිරිපත් කළාට කමක් නෑ. හැබැයි තැන්තැන්වල පිට්ටනිවල ළමයි බදාගෙන, ළමයි උඩ දදා, දියරෙදි ඇඳගෙන බ්රේක් ඩාන්ස් දාන්නේ නැතුව.
ජීවන පහන් තිළිණ
