පොහොර තහනම් කොට මේ රටේ ගොවියාව මරණ මංචකයට ගෙනයන අධිවේගී මාර්ගය වර්තමාන ආණ්ඩුව ඉතා සාර්ථකව ඉදි කොට ඇතැයි විපක්ෂ නායක සජිත් ප්රේමදාස මහතා පැවසීය.
මිනිසාගේ පරම වගකීම මිනිසාව ජීවත්කරවීම බව පැවසූ විපක්ෂ නායකතුමා, වර්තමාන ආණ්ඩුව විසින් සිදු කරන්නේ අන්ත අසරණ ගොවියාව කබලෙන් ලිපට ඇද දමා ඔවුන්ගේ ජීවිත තව තවත් අසරණ කරවීම බව පැවසීය.
විපක්ෂ නායක සජිත් ප්රේමදාස මහතාගේ සංකල්පයක් යටතේ ක්රියාත්මක ගොවිජන දුක විමසන ගොවි හදගැස්ම වැඩසටහනෙහි තවත් පියවරක් අනුරාධපුර කලාවැව ආසනයේ එප්පාවල කටියාව දී පැවති අතර එහිදී විපක්ෂ නායකතුමා හමුවූයේ එළවළු වගාකරන ගොවීන් ය.
ගොවි හදගැස්ම වැඩසටහන ට පෙරාතුව විපක්ෂ නායකතුමා කටියාව ගොවිජනපද නිර්මාතෘ හිටපු අගමැති මහාමාන්ය ඩී එස් සේනානායක මහතාගේ පිළිරුවට පුෂ්පෝපහාර දැක්වීමට ද කටයුතු කළේය. මෙම අවස්ථාවට අනුරාධපුර දිස්ත්රික් පාර්ලිමේන්තු මන්ත්රී රෝහණ බණ්ඩාර, හිටපු ඇමතිනි චන්ද්රානි බණ්ඩාර, හිටපු අමාත්ය පී හැරිසන්, හිටපු පාර්ලිමේන්තු මන්ත්රී චන්දිම ගමගේ, කලාවැව සමගි ජන බලවේගයේ ප්රධාන සංවිධායක පළාත්සභා මන්ත්රී අනිල් රත්නායක ඇතුළු ප්රදේශයේ මහජන නියෝජිතයින් පිරිසක් එක්ව සිටියහ. විපක්ෂ නායකතුමා ප්රදේශයේ ගොවි ජනතාව සමඟ දීර්ඝ වශයෙන් අදහස් හුවමාරු කරගත්තේය.
පොහොර තහනම් කිරීමට ආණ්ඩුව ගනු ලැබූ හිතුවක්කාරී තීරණය හේතුකොටගෙන අද වන විට රට බලවත් ව්යසනයක දොරටුවෙහි සිටින බව පැවසූ විපක්ෂ නායකතුමා, මේ පිළිබඳව කිසිදු සංවේදී කමක් ආණ්ඩුවට නැතැයිද පැවසීය.
අද වන විට ගොවියා ණය බරින් පීඩා විඳින බවත්, ණය වාරික ගෙවා ගත නොහැකිව ගොවීන් සුසුම්ලමින් සිටින බවත් විපක්ෂ නායකතුමා පැවසීය.
මෙහිදී ගොවි ජනතාව හඩා විපක්ෂනායකවරයාගෙන් ඉල්ලා සිටියේ අද ගොවයන් විනාශ වී ඇති බවත්, වහාම රට බාරගෙන මේ විනාශයෙන් තමන් මුදා ගන්නා ලෙසත්ය.
