ගල්ගමුව නාකොළගනේ වනාන්තරයේ විශාල වන විනාශයක් සිදුවන බව ජනතා විමුක්ති පෙරමුණ චෝදනා කරයි.
පසුගිය දිනෙක එම පක්ෂයේ දේශපාලන මණ්ඩල සභික නාමල් කරුණාරත්න මහතා එම ස්ථානයට ගොස් මෙම තත්ත්වය සම්බන්ධයෙන් වීඩියෝවක්ද සිය ෆේස්බුක් පිටුවේ තබා තිබිණ.
එමෙන්ම එහි මෙසේද සදහන් විය.
ගල්ගමුව නාකොළගනේ වනාන්තරය විනාශ කිරීම පිළිබඳ නිරීක්ෂණය කිරීමට ප්රදේශවාසීන් සමග සහභාගි වුණා. අක්කර 2000 කට වඩා වැඩි බිමක් මෙලෙස එලි පෙහෙළි කිරීමෙන් පසුව, එම වනයේ වෙසෙන අලි 350 පමණ ප්රමාණයකට උන්හිටිතැන් අහිමි වනු ඇත. එසේ වුවහොත් වන්නේ එම අලින් ගම් වැදී වැදි මිනිසුන්ගේ වගාවන් විනාශ කිරීමයි. දැනට පවතින අලි සහ මිනිසුන් අතර ඇති ගැටුම තවදුරටත් වර්ධනය වනු ඇත. විහාර දේවාලගම් පනත යටතේ නාකොළගනේ විහාරයට අයිති මෙම වනය විනාශ කිරීම ආණ්ඩුව මැදිහත් වී වහාම නතර කළ යුතුයි. එහිදී විහාරස්ථානයට, වන සතුන්ට මෙන්ම පරිසරයට ද සාධාරණ වන තීරණයක් ගෙන මෙම විනාශය වහා නතරකළ යුතුයි.
