පලස්තීන ගාසා තිරයේ පිහිටි මහල් 13 කින් යුත් අල්ජසීරා, ඇසෝසියෙටඩ් ප්රෙස් (AP) වැනි විදෙස් මාධ්ය ආයතන කාර්යාල පවත්වාගෙන ගිය ගොඩනැගිල්ලක් ඊශ්රායල් ගුවන් හමුදාව විසින් එල්ල කරනු ලැබූ ගුවන් ප්රහාරයකින් විනාශ වී ඇත.
ප්රහාරයට පෙර ගොඩනැගිල්ලේ හිමිකරු වෙත දුරකථන ඇමතුමක් ලබා දෙමින් ඊශ්රායෙල් බුද්ධි අංශ විසින් එම ගොඩනැගිල්ලට හානිවිය හැකි බවට පූර්ව අනතුරු ඇඟවීමක් සිදුකර තිබු බවද වාර්තා වේ.
මාධ්යවේදීන්ගේ සහ ස්වාධින මාධ්ය ආයතනවල ආරක්ෂාව තහවුරු කරන ලෙස ධවල මන්දිරය ද නිවේදනයක් නිකුත් කරමින් ඊශ්රායාලයෙන් ඉල්ලීමක් සිදුකර ඇති බව විදෙස් මාධ්ය වාර්තා කර ඇත.
මේ අතර දෙපාර්ශවය අතර ඇතිවී තිබෙන ගැටුම් නතර කරන ලෙස අමෙරිකානු ජනාධිපති ජෝ බයිඩ්න් විසින් ඊශ්රායෙල් අග්රාමාත්ය බෙන්ජමින් නෙතන්නියාහු සමග පැවති දුරකථන සාකච්ජාවකදී දැනුම් දී තිබේ.
එසේ වුවත් හමාස් සංවිධානයෙන් එල්ල කරනු ලබන රොකට් ප්රහාරවලින් සිය රට මෙන්ම පුරවැසියන් ආරක්ෂා කර ගැනීමට ඊශ්රායලයට පුර්ණ අයිතිවාසිකමක් ඇති බවද අමෙරිකානු ජනාධිපතිවරයා මෙහිදී ප්රකාශ කර ඇත.
සෑමවිටම ගැටුම්වලට සම්බන්ධ නැති පුද්ගලයින් ආරක්ෂා කිරීමට පියවර ගන්නා බවත්, ගුවන් ප්රහාර එල්ල කළ ගාසා තිරයේ මාධ්ය ආයතන සහ නිවාස සංකීර්ණය පිහිටි ගොඩනැගිල්ලේ සිටි අනවශ්ය පුද්ගලයින්ට ඉන් ඉවත් වීමට කාල වේලාව ලබාදුන් බවත් ඊශ්රායෙල් අගමැතිවරයා විසින් අමෙරිකානු ජනාධිපතිවරයා ගේ පැනයට පිළිතුරු ලබාදී ඇති බවද පැවසේ.
