කොළඹ, ගම්පහ දිස්ත්රික්වල කොවිඩ් 19 එන්නත ලබා දීමේදී ඇති වූ යම් යම් බලපෑම් හේතුවෙන් ඇතැම් ස්ථානවල එන්නත් ලබා දීම කිහිප වරක් අත්හිටුවීමට සිදු වූ බව මහජන සෞඛ්ය පරීක්ෂකවරුන්ගේ සංගමයේ ලේකම් මහේන්ද්ර බාලසූරිය මහතා සඳහන් කළේය.
ඒ මහතා වැඩිදුරටත් සඳහන් කළේ අදාළ දිස්ත්රික්කවල ඇතැම් දේශපාලඥයන්ගේ සහ ඇතැම් රජයේ ඉහළ නිලධාරීන්ගේ ඥාතීන් බව පවසමින් වයස 30ට අඩු පිරිස්ද එන්නත් ලබා ගැනීමට දැරූ උත්සාහයන් නිසා අවස්ථා කිහිපයකදී ඇති වූ නොසන්සුන්තාවයන් එයට හේතු වූ බවය. එමෙන්ම එවැනි බලපෑම් යළි ඇතිවුවහොත් ඉදිරියේදී එම ස්ථානවල එන්නත් ලබා දීම අත්හිටුවීමට කටයුතු කරන බවද ඔහු සඳහන් කළේය.
මේ සම්බන්ධයෙන් කොවිඩ් 19 වැළැක්වීමේ රාජ්ය අමාත්ය වෛද්ය සුදර්ශනී ප්රනාන්දු පුල්ලේ මහත්මියගෙන් විමසූ විට ඇය සඳහන් කළේ වයස අවුරුදු 30ට ඉහළ වයස් කාණ්ඩවලට එන්නත ලබා දීමට අනුමැතිය ලබා දී ඇති නමුදු 30ට අඩු වයස් සීමාවන්වල අයට එය අනුමත කර නැති බවය.
