දැරණියගල, දෙල්ඔළුව ප්රදේශයේ පස්කැපීම නතර කරන ලෙස අධිකරණ නියෝගයක් ලබා දී ඇති ඉඩමක පස්කැපීම හේතුවෙන් එම ප්රදේශයේ ජනතාව විරෝධය පළ කර තිබේ.
පස්කැපීම සඳහා පැමිණ තිබු ටිපර් රථය මාර්ගය හරහා නතර මාර්ගය අවහිර කරමින් ජනතාව විරෝධය පළ කිරීමත් සමග එම ස්ථානයට දැරණියගල පොලීසිය පැමිණ ඇත.
පසුව පස්කැපීම සිදුකළ පුද්ගලයින්ගෙන් ඒ සඳහා අවසරය තිබේ දැයි විමසීමේ දී ඔවුන්ට කිසිදු අවසර පත්රයක් නොමැති බව අනාවරණය වීමත් සමග ටිපර් රථයේ රියදුරු අත්අඩංගුවට ගෙන තිබේ.
මෙලෙස අනවසරයෙන් පස්කැපීමට විරෝධය පළ කරමින් ඊයේ (23) දිනයේ දීත් දැරණියගල, කඳුමැද නුවර තරුණ එකමුතුව විසින් උද්ඝෝෂණයක් ද පැවැත්විය.
පසුව ඔවුන් දැරණියගල ප්රාදේශීය ලේකම් කාර්යාලය වෙත සහකාර ප්රාදේශීය ලේකම්වරයා වෙත කරුණු කියා පෑමෙන් අනතුරුව විසිර ගියහ.
එහි දී උද්ඝෝෂණයට සහභාගී වී සිටි කඳුමැද නුවර තරුණ එකමුතුවේ සාමාජිකයෙක් මෙලෙස පැවසීය.
“අපිට දැන ගන්න ලැබුණා මේ වෙනකොට තවත් 18ක් පස් බලපත්ර ඉල්ලනවා භූ විද්යා හා පතල් කාර්යාංශයෙන්. ඒ කියන්නේ මේ තුන ගත්තෙත් බිම් මට්ටමේ තියෙන ප්රාදේශීය සභාව හා ප්රාදේශීය ලේකම් කාර්යාලය බයිපාස් කරලා නම් ඉතුරු 18ත් යන්නේ ඒ පාරේමයි. දැරණියගල ඉස්සරහට පස් බිඳක් නැති කළුගල් ටිකක් ඉතුරු වෙයි. අවුරුදු දෙක තුනකින් කළුගල් කඩන්න පටන් අරන් හැම තැනම දැරණියගල ගල්කොරි තියෙයි. අඩු තරමේ අපේ අනාගත පරපුරට ගහක් කොළක් නැති එකම කාන්තාරයක් බවට මෙච්චර ජෛව විවිධත්වයක් තියෙන දැරණියගල පත්වෙයි.“
