රාජපක්ෂ සෙවනැලි ආණ්ඩුව විසින් මේ රට බංකොලොත්භාවයෙන් අන්තයටම පත් කර ඇති බවත් එවැනි තත්ත්වයක් උඩ මේ රටේ මිනිසුන් ක්රමයේ වෙනසක් ඉල්ලා සිටියත් 74 වසරක් පුරා සිටි ආණ්ඩු විපක්ෂ බලය ලබා ගැනීමේ කුමන්ත්රණවල නියැලී සිටියත් ඔවුන් රට ගොඩගැනීමට උත්සාහ නොකළ බවත් මේ තත්ත්වය වෙනස් කරමින් පළමුවත් දෙවනුවත් තෙවනුවත් මහජන සේවය මූලික කර ගනිමින් වත්මන් විපක්ෂ වන සමගි ජන බලවේගය කටයුතු කරන බවත් විපක්ෂ නායකවරයා (04) පොල්පිතිගම දී පැවසීය.
සමගි ජන බලවේගය විසින් ක්රියාත්මක සක්වල වැඩසටහන යටතේ බෙදා දුන් රුපියල් ලක්ෂ පනහක් වටිනා 62 වැනි බස් රථය ඊයේ පොල්පිතිගම ජාතික පාසලට බෙදාදීමේ අවස්ථාවට එක්වෙමින් විපක්ෂ නායක සජිත් ප්රේමදාස මහතා මේ බව කියා සිටියේය.
බස් රථ ලබාදීම අධ්යාපන ක්ෂේත්රය වෙනුවෙන් කරන සමාජ ආයෝජනයක් බවත් සෞඛ්ය ක්ෂේත්රයට අවැසි උපකරණ ලබා දීම සුවපත් හෙටක් වෙනුවෙන් කරන ආයෝජනයක් බවත් මෙවැනි ආයෝජන සිදු කරන විට විප්ලව ගැන කතා කරන දේශපාලන පක්ෂ නිර්ධය ලෙස විවේචනය කරන බවත් ඔවුන්ට ලැබෙන කෝටි ප්රකෝටි ගණන් ලැබෙන ආධාරවලින් සුරසැප විඳිනවා වෙනුවට මෙවැනි සමාජ ක්රියා සඳහා එවැනි මුදල් වෙන් කරන ලෙසත් ඔවුන්ට අභියෝග කර සිටින්නේ පුළුවන් නම් සමගි ජන බලවේගය සමඟ තරගයට ජනතා සේවයට කිරීමට එන ලෙසත් විපක්ෂ නායකවරයා පැවසීය.
ඇතැමුන් ජනතාව බස්වලින් අද්දවා සුරංගනා කතා කියා රවටනවා මිස ජනතාව වෙනුවෙන් ඔවුන් කිසිදු දෙයක් සිදු කර නොමැති බවත් සැබෑ නායකයෙක් නම් බලය තිබුණා හෝ නැතා ජනතාව වෙනුවෙන් වැඩ කිරීමට හැකියාවක් තිබිය යුතු බවත් ඒ සඳහා උනන්දුවක් තිබිය යුතු බවත් එම නිසා ජනතාවගෙන් ඉල්ලා සිටින්නේ විවිධ පුද්ගලයන්ගේ කතා අහන් නැතිව ඔවුන්ගේ ක්රියාවන් දිහා බලා තීන්දු තීරණ ගන්නා ලෙස බවත් පැවසීය.
