කොරෝනා වෛරසය වැළඳී මියයන මුස්ලිම් ජාතිකයන්ගේ මළසිරුරු භූමදානය කිරීමට අවසර ලබාදෙන බවට ආණ්ඩුවේ පාර්ශ්ව පැවසූ බැවින් තමන් 20වන ආණ්ඩුක්රම ව්යවස්ථා සංශෝධනයට සහාය පළ කළ බව ශ්රී ලංකා මුස්ලිම් කොංග්රසයේ මන්ත්රීවරු පවසති.
එලෙස 20වන සංශෝධනයට සහාය ලබා දුන්නේ මුස්ලිම් කොංග්රසයේ ෆයිසර් කාසිම්, එච්.එම්.එම්. හාරිස්, එම්.එස්. තවුෆික් සහ අන්වර් ෂාමෙඩ් යන පාර්ලිමේන්තු මන්ත්රීවරුය.
ඒ සම්බන්ධයෙන් අදහස් දැක්වූ පාර්ලිමේන්තු මන්ත්රී ෆයිසර් කාසිම් කියා සිටියේ ආණ්ඩුව තමන්ට ඒ සම්බන්ධයෙන් පොරොන්දුවක් ලබා දුන් බවකි.
කෙසේවෙතත් මුස්ලිම් කොංග්රස් නායක රවුෆ් හකීම් මහතා සදහන් කොට ඇත්තේ මෙම මන්ත්රීවරුන් නැවත මුස්ලිම් කොංග්රසය සමග එකතු වන්නේ නම් ජනතාවගෙන් සමාව ගත යතු බවකි.
