පළාත් පාලන මැතිවරණය සඳහා නාමයෝජනා මැතිවරණ කමිෂන් සභාව විසින් කැඳවා තිබෙන අතර,මැතිවරණය සදහා ඇප භාර ගැනීමත් මේ වෙනවිට මැතිවරණ නිලධාරීන් විසින් ආරම්භ කොට ඇති බවත්,එවන් තත්ත්වයක් තුළ මැතිවරණයට ඇප බාර ගැනීම නැවත දන්වන තුරු නවත්වන ලෙස සියලු දිස්ත්රික් ලේකම්වරුන්ට නියෝග කරන්න කැබිනට් මණ්ඩලය තීන්දු කර ඇති බවත් විපක්ෂ නායක සජිත් ප්රේමදාස මහතා පැවසිය.
මෙය, සහමුළින්ම ජනතාවගේ ප්රජාතන්ත්රවාදී අයිතිය උල්ලංඝනය කිරීමක් මෙන්ම,ජනතා පරමාධිපත්යයට එරෙහිව යාමක් බව පැවසූ විපක්ෂ නායකතුමා මෙයත් සහමුලින්ම මන්දිර සහ මණ්ඩල කුමන්ත්රණයක ප්රතිඵලයක් යැයිද පැවසීය.
මැතිවරණයක් ප්රකාශයට පත් කළාට පස්සෙ, මැතිවරණය පැවැත්වීම සඳහා අවශ්ය ක්රියාදාමය පවත්වාගෙන යාම මැතිවරණ කොමිෂන් සභාවේ වගකීමක් බව පැවසූ විපක්ෂ නායකතුමා කැබිනට් මණ්ඩලය මේ අරගෙන තියෙන තීන්දුව ආණ්ඩු ක්රම ව්යවස්ථාව උල්ලංඝනය කරන නීති විරෝධී තීන්දුවක් බවද පැවසීය.
ජනතා පරමාධිපත්යය සහ ප්රජාතන්ත්රවාදය උල්ලංඝනය කිරීම උදෙසා ආණ්ඩුව ගනු ලැබූ මේ අන්තනෝමතික ක්රියාවලියට එරෙහිව මුළු රටම සමග පෙරට ඒමට සමගි ජන බලවේගය සූදානම් බවද ඒ මහතා පැවසීය.
විපක්ෂ නායක සජිත් ප්රේමදාස මහතා මේ බව පවසා සිටියේ අද පස්වරුවේ කොළඹ විපක්ෂනායක කාර්යාලයේ දී විශේෂ ප්රකාශයක් කරමිනි.
