ලංකාවේ මේ වනවිට සිදුව ඇති දැවැන්තම වංචාව බිලියන 15.6ක් අහිමි කළ සීනි බදු වංචාව හෝ බිලියන 12ක් අහිමි කළ බැදුම්කර වංචාව නොව බිලියන 880ක් ඉක්මවා ගිය සිගරැට් වංචාව බව මේ වනවිට අනාවරණය වී තිබේ.
පසුගිය දින කිහිපයේදී පාර්ලිමේන්තුවේ සිදුකළ විශේෂ හෙළිදරව් කිහිපයකින්ම මේ බව අනාවරණය වී ඇත.
මෙහිදී සජබ පාර්ලිමේන්තු මන්ත්රී ඉරාන් වික්රමරත්න මහතා පාර්ලිමේන්තුවේදී ප්රකාශ කොට සිටියේ නියමිත පරිදි බදු නොපැනවීම හේතුවෙන් සිගරැට් බදුවලින් ආණ්ඩුවට ලැබිය යුතු බිලියන 40ක පමණ මුදලක් වාර්ෂිකව අහිමි වන බවකි.
මෙය 2000 වසරේ සිටම සිදුවන්නක් බවද මන්ත්රීවරයා පෙන්වා දුන්නේය.
ඒ අනුව 2000 වසරේ සිට අද දක්වා ගණන් බැලවුහොත් රුපියල් බිලියන 880ක පමණ ආදායමක් රටට අහිමි වී ඇති බව දැකගත හැකිය.
වික්රමරත්න මහතාට අමතරව විපක්ෂ නායක සජිත් ප්රේමදාස, ජවිපෙ නායක අනුර කුමාර දිසානායක, දෙමළ ජාතික සන්ධාන මන්ත්රී ශානක්යයන් රාසමාණික්කම් යන මහත්වරුද සිගරැට් බදු නිශ්චිත අයුරින් නොපැනවීමට ආණ්ඩුව කටයුතු නොකිරීම සම්බන්ධයෙන් බරපතළ විවේචනයක් සිදු කළේය.
එහිදී ඔවුන් පෙන්වා දුන්නේ දුම්කොළ සමාගම් විවිධ වරදාන වරප්රසාද දේශපාලඥයන්ට සහ ඉහළ නිලධාරීන්ට ලබා දෙමින් මෙසේ බදු සහන ලබා ගන්නා බවකි.
