ජායාරූපය නම් සෑම කැමරාවක් අසලම අඩුම තරමින් එක් පුද්ගලයෙක් හෝ සිටගෙන සිටිය යුතුය. ප්රධාන වශයෙන් කිසිවකු ඔවුන්ට මෙම ස්ථානයට ආරාධනා කළේ නැත. ඔවුන්ම පැමිණ ඇත. ඔවුන් ඔබට වැදගත් පණිවුඩයක් ද පවසා ඇත.
එම පණිවුඩය හා සම්බන්ධ වීමේ පැමිණීම ඔවුන්ගේ ස්වයං නිර්ණයයි. එලෙසම විවිධ ස්ථාන 30ක පමණ ජනතාව එක්රැස් වූ බව ඔබට ආදරයෙන් හා සෙනෙහසින් මතක් කිරීමට කැමැත්තෙමු.
මේ අයගේ කැමැත්ත – තේරීම – අයිතිය ගැන සිංහල දේශපාලකයෝ ඔබට කියපු හැම දෙයක්ම මහා බොරුවක් වී අවසන්ය. මේ බොරුව නම් කුහක බලලෝභී දේසපාලුවන් පහුගිය කාලේ මහ බැංකුව ගැන, ඩොලර් සංචිතය ගැන, මේ ජාතියේ ණය ගැන, රට විකුණන එක ගැන කියපු බොරුව වගේ දහස් ගුණයකට වඩා ලොකු බොරුවක්ය.
විටෙක අපි ඔබ ගැන කණගාටු වන්නෙමු. නමුත් තරහවක් හෝ අමනාපයක් නම් නැත. අමනාප වන්නේ තවදුරටත් මේ සියලු බොරු විශ්වාස කිරීම ගැනය. කන්දරොඩෙයි විහාරයට, මාතගල් දඹකොල්පටුනට, රියෝ අයිස්ක්රීම්වලට සීමා වූ ඔබේ චාරිකාව වෙනුවට උතුරට එන සෑම විටම ඔබ මතක් කරගත යුත්තේ පාර දෙපස වූ භූමිය ඔබගේත් මගේත් සොහොයුරන්, පියවරුන්, දියණියන් ජාතියේ නාමයෙන් දිවි පුදා ඇති බවය. ඔබට රණවිරු ස්මාරක ඇතත් අපේ ඒවා මහ පොළවට ඩෝසර් කර ඇත්තේ අපි ඇයි දැයි නොදන්නෙමි. අප අප විසින් මවාගත් පස් ගොඩවල් අපගේ සොහොයුරන්, පියවරුන්, මවුවරුන් කියා ඒ වටා මල් මාලා ගොතා, එදා දවසක ගත් ඡායරූපයක් සිටුවා ඉටිපන්දමක්, කප්පුරමක් දල්වා මළ බෙර වැයෙනා හවස් භාගයක සැමරුම් සමරති.
විරුවන්ගේ සොහොන් කඳුළින් පිරෙන දිනය ඔබ නොදකින තාක් අපි ඔබ සමග අමනාප වන්නේ කෙසේද? එන්න දවසක බලන්න.
අපේ ආදරණීය අසල්වැසියන්!
දෙමළ ජනතාවගේ හැත්තෑ වසරක දීර්ඝ ඉල්ලීමේ හරය ඔබට කියාදීමට මේ එක රැයක් ප්රමාණවත්ය.
හැමදාම වාගේ දෙමළ ජනතාවගේ අභිලාෂයන් – ආණ්ඩුවේ කමිටුවලින් පාර්ලිමේන්තුවට එන දෙමළ ඇමැතිවරුන්ගෙන් – දැනගන්න හදන්න එපා.
ඔවුන්ගේ රටේ සුබසිද්ධිය සඳහා – ඔබ සියලු ණයවලින් නිදහස් වීමට – සිංහල ජාතියට දූෂණයෙන්, මංකොල්ලකමින්, බොරුවෙන් පිරුණු දේශපාලනයෙන් ගොඩ ඒමට ඇති එකම මාර්ගය දෙමළ ජනතාවගේ එකමුතු ඉල්ලීමට සවන් දී ආත්මභාවය හඳුනා ගැනීමයි. දෙමළ ජනතාවගේ අයිතිය පිළිගැනීමට පමණයි!
