නොවැම්බර් 01 වැනිදා සිට 06 වැනිදා දක්වා වෙනිසියුලාවේ කරකාස් නගරයේ දී පැවැත්වෙන වෙනිසියුලානු කොමියුනිස්ට් පක්ෂයේ 16 වැනි සමුළුවට ජනතා විමුක්ති පෙරමුණ නියෝජනය කරමින් එම පක්ෂයේ බ්රිතාන්ය කමිටුවේ ලේකම් දර්ශන හෙට්ටිආරච්චි සහ කමිටු සාමාජිකා වෛද්ය ජනිතා ගමනායක යන දෙදෙනා සහභාගී වීමට නියමිත බව වාර්තා වේ.
මෙම සමුළුවට සමාන්තරව පවත්වනු ලබන ‘වර්තමාන පන්ති අරගලයේ දී කම්කරු පන්තියේ සහ කම්කරු පන්ති පක්ෂයේ භූමිකාව’ මැයෙන් පැවැත්වෙන සම්මන්ත්රණයකට ද මේ දෙදෙනාම සහභාගිවීමට නියමිත බව ජනතා විමුක්ති පෙරමුණ පවසයි.
1937 දී ආරම්භ කරන ලද වෙනිසියුලානු කොමියුනිස්ට් පක්ෂය, ලතින් ඇfමරිකානු කලාපය හා ලෝක කොමියුනිස්ට් ව්යාපාරය තුළ ප්රමුඛත්වයේලා පිළිගැනීමට ලක්ව ඇති පක්ෂයකි.
මෙම සමුළුව සඳහා ලතින් ඇfමරිකානු කලාපය ඇතුළු ඉන් බාහිර රටවල කොමියුනිස්ට් පක්ෂවල නියෝජිතයන් ගණනාවක් සහභාගිවීමටද නියමිත ඇත.
සමුළුව පැවැත්වෙන අතරතුර තුළදී ජවිපෙ නියෝජිතයන් දෙදෙනා වෙනිසියුලානු ආණ්ඩු පක්ෂය වන එක්සත් සමාජවාදී පක්ෂය සමග සාකච්ඡා කිරීමටද බලාපොරොත්තු වන බව වාර්තා වේ.
