22 වන ආණ්ඩු ක්රම ව්යවස්ථාව සම්මත කර ගැනීමට පැවැති ජන්ද විමසුමේදී ජනාධිපති රනිල් වික්රමසිංහ මහතා ප්රමුඛ ආණ්ඩුවට පළමු වතාවට මන්ත්රීවරුන් 113ක බහුතරය අහිමි වී ඇති බව තහවුරු වී තිබේ.
මෙහිදී 22 වන සංශෝධනයට පක්ෂව ජන්ද 179ක් ලැබුණද ආණ්ඩු පක්ෂයෙන් ඊට ලැබී තිබුණේ මන්ත්රීවරුන් 93කගේ සහාය පමණි.
රනිල් වික්රමසිංහ මහතාට ජනාධිපතිවරයා ලෙස පත්වීමට පාර්ලිමේන්තුවේ 134 දෙනකු ජන්දය ලබා දුන්නද මන්ත්රීවරුන් ස්වාධීන වීමෙන් පසු සත්ය වශයෙන්ම රනිල්-දිනේෂ් ආණ්ඩුවට පාර්ලිමේන්තුවේ සිටියේ මන්ත්රීවරුන් 122ක් පමණි.
නමුත් 22 වන සංශෝධනයට ජන්ද විමසීමේදී ඉන් මන්ත්රීවරු 11ක් විදේශගතව සිටි අතර ඉනුත් රනිල්-දිනේෂ් ආණ්ඩුවට පක්ෂව ජන්දය දිය හැකි බව අනුමාන කළ හැක්කේ අමාත්ය ධූර දරන මන්ත්රීවරුන් තිදෙනෙක් පමණි.
අනෙක් අතට විවිධ හේතු දක්වමින් මන්ත්රීවරුන් 13 දෙනකු ජන්ද විමසීමට නොපැමිණ තිබිණ. ඉන් ඇතමුන් පාර්ලිමේන්තුවෙන් පිටව ගොස් තිබුණේ ජන්දය විමසීමට ඔන්න මෙන්න තියාය.
ඒ අනුව විදේශගතව සිටි මන්ත්රීවරුන් ප්රමාණය සලකා බැලුවද රනිල් – දිනේෂ් ආණ්ඩුවට මන්ත්රීවරුන් 100කගේවත් සහාය නොමැති බව මෙම ජන්ද විමසීම හරහා තහවුරු වී තිබේ.
22වන සංශෝධනය සම්මත වී තිබුණේ විපක්ෂයේ මන්ත්රීවරුන් 51ක් සහ ස්වාධිනව සිටින මන්ත්රීවරුන් 35ක් ඊට පක්ෂව ජන්දය ලබා දී තිබීම හේතුවෙනි.
