මේ වන විට පාර්ලිමේන්තුව ඇතුළේ සිදුව ඇති පක්ෂ මාරුකිරීම් සහ ස්වාධීන වීම් හේතුකොට ගෙන පාර්ලිමේන්තු සම්මුතිය ආණ්ඩු පක්ෂය සහ විපක්ෂය කරට කර සිටින ලෙස වෙනස් වී ඇති බව දැකගන්නට තිබේ.
ආරම්භයේදී ශ්රී ලංකා පොදුජන පෙරමුණට මන්ත්රීවරුන් 157 දෙනකුගේ බහුතර සහාය හිමිව තිබුණද මේ වන විට එය 119 දක්වා පහත වැටී ඇති බව වාර්තා වේ.
විශේෂයෙන්ම ආණ්ඩුව සමග සිටි ඩලස් අලහප්පෙරුම මහතා ඇතුළු 13 දෙනකු විපක්ෂයට එක්වීමත්, විමල් වීරවංශ ප්රමුඛ පාර්ශ්වය ස්වාධීන වීමත්, ශ්රී ලංකා නිදහස් පක්ෂය ස්වාධීන වීමත් මත මෙම වෙනස සිදුව තිබේ.
මේ තත්ත්වය මත විපක්ෂයේ සංයුතිය 105 දක්වා ඉහළ ගොස් ඇති බවද දැනගන්නට තිබේ.
යම් හෙයකින් ආණ්ඩු පක්ෂය සමග සිටින තවත් මන්ත්රීවරුන් 06 දෙනකුගේ සහාය අහිමි වුවහොත් ආණ්ඩුවට බහුතරය සම්බන්ධයෙන් බරපතළ ප්රශ්නයක් මතුවනු ඇති බවද දැකගන්නට තිබේ.
